Mayanzame 14:3 - New Testament in Mitsogo

³ Paul na Barnabas amadinga gô Iconium. Ameekéda na bôkédé. Mitéma miaô mietso te gôndé Kumu Jésus. Nzambé dôta ameetsa mate na amatubéda émbégéa éangudi yedi gôéwanyéda na meekédume maô moonga, mbe ahsapata. Embégée te vameetsô Paul na Barnabas ényanga gôéénda mabégô mavôni manyônganéôni masoongôa môma ésupua.

Mayanzame 14:3 ပူးပေါင်းရင်းမြစ်များ

Marc 16:20

Aneengie ahmakea tunguye yetso gôéékéda Tsangô Eamôsôba. Kumu Jésus amayanza n’ahngô. Mabégô manyônganéôni masoongôa môma ésupua mamayanzahngô mamatubéda oma mbe meekédume éma ti mapie.]

Jean 4:48

Jésus amavovo n’edi mbe: Anye nômakaaô na paga géôngôé éétsa me mitémamie mianyô buétsé te nôpanga éena émbégéa étsapanéôni na mane mamisôba mayanza me gôétubéda ngudi yami.

Mayanzame 13:46

Paul na Barnabas amavovo gébé na gomo mbe: Nzambé amanyôngéô mbe anye Ajuif nôpanga éékédu Mane Mamavovo amuene. Ivô anye nôkékôa mangô. N’anye nôeeséda anyene veendanye mbe: We tôsabuta monyo amôbô na môbô. Tambô, menyani mbe we tônôtôgi gôndé anye. Tôkea na gôndé ane asaba Ajuif.

Mayanzame 2:22

Pierre amavovo mbe: Anye oma aIsraël, ôôkôni mabégô mema. Nzambé gô inedi ameetsa anye Jésus môsi Nazareth. Enyanga éndé n’edi éaNzambé émeenanô gô mane mameendangô va gatse awa n’anyô. N’anye nôsabômu gameenda Jésus mavétô, n’embégéa éangudi yaNzambé, na mabégô manyônganéôni masoongôa môma ésupua.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Mayanzame 4:31

Vamamanahngô évovo na Nzambé, tungune émabakahngô ématatéa. Gédidi SaNzambé gémeengéa gôéyuéséda mitéma miaô mietso. Ahmeekédaka na bôkédé ôvôni mane mamavovo Nzambé.

Mayanzame 5:32

We adua tôndé mbangi éamabégôme matôvovoni éma. Te we adua na Gédidi gémeetsa Nzambé gôndé ane amôgobedani.

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

1 Thessaloniciens 2:2

Nôsabômu dôta mbe me n’egétsigaka na gôndé anye gô Thessalonique, namapanga étubédu maguga gô môsenge ôtetu mbe Philippes. Ivô Nzambé ameetsa we bôkédé gôénigôa anye Tsangô éedi Eamôsôba, buéyé gamadenga we gékuanô gévôni.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.