Mayanzame 13:6 - New Testament in Mitsogo

⁶ Ahmananga na néngéne nyetso ngu na môsenge aPaphos. Gône amadenga nganga éénda mavétô, inedi Bar-Jésus. Angô Môjuif ameenda mbe: Me te môpandôédi amatasa maNzambé.

Mayanzame 13:6 ပူးပေါင်းရင်းမြစ်များ

Matthieu 16:17

Jésus amanigôa angô mbe: Ti gô gényônga géndé na éwe Simon muana aJean gôébégô éne éapie ésupuyi éwe. Osibeendu éangô na môma. Otsigédiô éangô te na Téta, ône andé g’ôba.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 7:15

Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego.

Marc 10:46

Jésus n’aneengi edi na géômbé gévôni ahmatsiga gô Jéricho. Vamootahngô mbôkane ahmadenga gékonzo, môsi pogu na miduke, andé digaa va kôbangô anzéa. Inedi te Bartimée, muanee aTimée.

Mayanzame 13:13

Gô mbôka aPaphos, Paul n’akedi amapeka gô mbôngône épôni gôékea na gô Perge gô tsenge éaPamphylie. Jean-Marc amaagana n’ahngô na amanika na gô Jérusalem.

Mayanzame 13:8

Ivô ngangane éamavétô, inedi g’ôgi aGrec te Elymas, amavinga Barnabas na Saul. Na asinyôngéô mbe môtômi atsenge eetsa môtémedi gô meekédume maô.

II Corinthiens 11:13

Amôgôôe ane te eekédi adiboe. Apatéda éne éyanzahngô na abômédu anye mbe: We tômatômu na Jésus‐Christ.

II Timothée 3:8

Gameenda Jannès na Jambrès pégôani na Moïse, te gangeenda omee adua pégôani gô mabégôme mane maNzambé mapie. Angô te oma amatasa mamagéngôgani. Gô mabégô manzéa éaJésus étôkéani édué eenda te makanégéda.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.