Mayanzame 13:2 - New Testament in Mitsogo

² Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 13:2 ပူးပေါင်းရင်းမြစ်များ

Matthieu 17:21

Jésus mbe: Mônongo agédidi ône ôkusédu te gô ngudi yadisambô na gô gékinéô samôyakô gôévovo na Nzambé.]

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

Matthieu 9:38

Tambô dukani kumu atsagane mbe angakudéga ayanzi gôéengéda éne émagaabôkôni.

LUC TSANGO EAMOSOBA EMATENDA 10:1

Va mbenene vane, Kumu Jésus amasevôa nzima tsambué yamôgôô na amôgôô abaé. Amatôma angô abaé gôéôbégéda ahngô gôéyanza gô misenge mietso mingabuéangô amuene.

LUC TSANGO EAMOSOBA EMATENDA 2:37

Anne amadigaa môkué gébaaô ngu na vamadômbéa angô aka nzima génana na mipuma minayi. Asinôtôgé gô eba aNzambé. Amayanzéa Nzambé na pitsi n’omanda. Amakina môyakô gôévovo na Nzambé.

Mayanzame 10:19

Tambô amuene Pierre andé digaa gôétanganéda gakegea ébégôe éeni angô. Gédidi SaNzambé gémavovo n’edi mbe: Oôkô édué. Gôvigi amôgôô atatô abuta éwe.

Mayanzame 10:30

Corneille amanigôa Pierre mbe: Oeni, ôka pitsi ditatô, ndéône te épo. Namabaka gô ebami gôévovo na Nzambé disambôye yandéône événdama kômbéne. Tsina na tsina môma amaduani mobébayi amatema môtie va mbene ami.

Mayanzame 13:3

Vane, amôgôôe ane muetso amoomba édigaa gô gékinéô samôyakô gôévovo na Nzambé. Amatsakéga Barnabas na Saul mogome na ahmasingéa ahngô ahkea.

Mayanzame 13:4

Gédidi SaNzambé gématôma Barnabas na Saul, na ahngô ahmakea na gô Séleucie. Gône ahmapeka gô mbôngô épôni gôébuéa na gô néngé ééndô mbe Chypre.

Mayanzame 14:26

Gône amapeka gô mbôngône gôékea na gô Antioche. Tambô Antioche te môsenge ômatimôahngô abaé vamabandôahngô môtôôe. Te vamasevou ahngô na vamadeekedu ahngô gôésipédu na Nzambé gô éyanzee ékôdédi ahngô éne.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 4:36

Gandé môma môvo, te Joseph môsi ébôta éaLévi, amabôtu gô tsenge ééndô mbe Chypre. (Amoogu na akedi mbe Barnabas, événdégéô mbe, ône akasôgédi akedi.)

Mayanzame 6:4

Vane we tômatômuni, tôsangayungédu na mabégô mayekani. Tôngaba ndéô yetso gôévovo na Nzambé na gôéékéda.

Mayanzame 8:29

Gédidi SaNzambé gématôma Philippe mbe: Kiaka. Wesea na gô dôtône.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 10:15

?Tsangône énganigôganéô nayee? môékédi gékudégu na wangô. Te ganigôa Matendeo MaNzambé mbe: Matambé mayeta ône atsua Tsangô Eamôsôba éaGétabé saNzambé, manyepa.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

I Corinthiens 12:11

Migôômie mietso mine miétsô te na Gédidi gévo te géne SaNzambé. Gékaba miangô ôvo ôvo géenza, ganyôngéô amuene Gédidi.

I Corinthiens 7:5

Nômbiakinana anyene n’anyene. Buétsé te nôvanga anyene abaé g’ôtangô apitsi mbe: Tsanyôngéô éyungédu na mane matasa nandé gôévovo na Nzambé pitsi yedi. Na va mbene ene nikéani égésangana kabaga nôsoongôa ébibéda na kabaga nôkuéa gô éne éngakanégu anye na Satan.

II Corinthiens 11:27

Namayanzédu mayanza madagani. Nameena maguga mamootéani. Pitsi diyekani oma asisingé me neeboga vio. Namookô nzaa na sôé. Kuka diyekani oma asidugédu me môyakô. Namookô sodi na tsibé na mikanda.

II Corinthiens 6:5

Tômabitô na mibitô na tômeengédu na gô eba atsôgôô. Oma amatuba n’asô misoso miagébé n’ebandô. Tômayanzédu tsôgôô we gébé n’oési. Oma asienede we éso avio, na asiitsé we môyakô amookedu we nzaa.

Galatie 1:15

Ivô Nzambé gô ngeba yedi, amasevoa me nagébaka gô ébuyi éeya. Amabambéa me gôéyanzéa angô.

Ephésiens 3:7

Me Paul namakou, naka môtsuayi aTsangô Eamôsôba gô ngeba yaNzambé. Nameetsô n’edi gésooge géne gôéyanza gô ngudi yedi.

Colosses 4:17

Beendani Archippe mbe: Baka n’ekena gôémangôa éyanzee émeetsô éwe gô gésoo saKumu Jésus.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

II Timothée 1:11

Nzambé amasevoa me gôénigôa Tsangô nene Eamôsôba gôndé ane asavamba na Nzambé. Ameetsa me ényangee éamôékédi, na éamôma atômuku na Jésus.

II Timothée 2:2

Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

II Timothée 4:11

One andé n’ami éva te Luc amuene. Oviga na Marc, angô asabômu éwedéa me gô gésaô saNzambé.

II Timothée 4:5

Ivô éwe, Timothée, sipaka. Ombiasinga mbe matasa moo mayungédu n’omee ane. Bibéda gô maguga. Yanza mayanza moo mamôékédi aTsangô Eamôsôba. Kôdéda gésaô soo ngu na v’ekôdédô.

Hébreux 5:4

Gôsaba môma angatomo amuene gôéba môsungéyi. Môma akoga môsungéyi te vaabéa angô mbeeane éaNzambé. Aaron amabambéôkô na Nzambé te nane.