Mayanzame 13:1 - New Testament in Mitsogo

¹ Va gatse asi mbumu éaNzambé gô Antioche gômabaka apandôédi amatasa maNzambé na eékédie. Ahngô te Barnabas, na Siméon (eendô mbe ône anzue) na Lucius (amaviga gô Cyrène). Na avo dôta te Manaën, (ône amabôngôu gô eba aHérode môtômi atsenge) na Saul.

Mayanzame 13:1 ပူးပေါင်းရင်းမြစ်များ

Matthieu 27:32

Vamakeahngô amawanya gô nzéa na môsi Cyrène, inedi Simon. Migodemie ahmamôtindéga gôétsua gésumuge géngayôhu Jésus.

LUC TSANGO EAMOSOBA EMATENDA 3:1

Môtômine môvôni, Tibère amamana étôma tsengene nyetso gô nzima amipuma na mipuma mitayi. Gô tsina otômue wedi tsengene émakabô n’avo atômie. Ponce Pilate te môtômine agô Judée. Gô tsina otômue aPonce Pilate dôta te Hérode amatôma tsengene éaGalilée. Muanee ayeedi, Philippe amatôma tungu dibaé, Iturée na Trachonite. Môtômi agésa saAbilène te Lysanias.

Mayanzame 11:30

Ameetsa te nane. Amakudéga éne émeetsangô ôbiia na gôndé peeye yambumu éaNzambé gô Judée. Te Barnabas na Saul amatsua dibiiaye dine.

Mayanzame 12:25

Vamagôga éyanzee éaBarnabas na Saul gô Jérusalem, amanika na gô Antioche. Amakea na Jean atetu mbe Marc.

Mayanzame 13:9

Gédidi SaNzambé gémeengéa pepe gôndé Saul, ône amoogu dôta mbe Paul. Amabono Elymas na nzôô.

Mayanzame 15:32

Jude na Silas anguene te apandôédi amatasa maNzambé. Amasupuéa ana aTétee n’aô asi mbumu éaNzambé mabégô mayekani gôékasôgéda ahngô na gôésipéda ahngô gô nzéa éaNzambé.

Mayanzame 15:35

Paul na Barnabas amasanéa gô Antioche. Ahngô na akaô ayekani ahmanigôa na ahmeekéda mabégô maKumu Jésus.

Mayanzame 19:6

Paul amatsakéga ahngô mogo medi. Gédidi SaNzambé gémeengéa gô mitéma miaô na amabandôa évovo yaanga yôgi disiikédu ahngô. Na ahmapandôéda dôta ndongi dimaviga gôndé Nzambé.

Mayanzame 21:9

Philippe amabaka n’anageto anayi asibaaôni. Muetso anayi amapandôéda ndongi dimeetsô ahngô na Nzambé.

Mayanzame 4:36

Gandé môma môvo, te Joseph môsi ébôta éaLévi, amabôtu gô tsenge ééndô mbe Chypre. (Amoogu na akedi mbe Barnabas, événdégéô mbe, ône akasôgédi akedi.)

Mayanzame 9:1

Tambô gô ndéô nene, Saul asitsiké ékuana aneengi aKumu Jésus ngu na gôéyôha ahngô. Amakea na gôndé pene adeekedi adigondoku.

Romains 16:21

Môwedine wami Timothée anôkômbôa. Kindami Lucius, Jason, na Sosipater anôkômbôa.

I Corinthiens 11:4

Menyani mbe ôkô mômôgôô avovo na Nzambé vo apandôéda ndongi dimeetsô angô na Nzambé gôévovo gô géwanyéô, andé na sôme gudéga gô môtsé edi asaditéda Christ.

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

I Corinthiens 13:8

Etondo émabaka na éndéké, na éngaba môbô na môbô. Ndongi dimeetsa Nzambé gôépandôédu dindé na tsoongo te g’ôtangô apitsi. Môgôô ôétsiô môma gôévovo gô aanga ôgi ôngoota. Eodo gôémenya mabégô metso éngakôdéa.

I Corinthiens 14:29

Na gôndé ane adiia ndongi diviga gôndé Nzambé gôédipandôéda buedi mbe abaé vo atatô apandôédé. N’akaô andé gôétanganéda ndongiye dine mbe dinyepa vo disanyepa.

I Corinthiens 14:32

Môma atôma môgôô, kaka môgôô atôma môma.

I Corinthiens 9:6

Akasô adiia gô meekédume ?ivô wa na Barnabas tôngayanza mene mayanza gôébôngôa yôtô yasô‐a?

Galatie 2:13

N’avo Ajuif, ana aTétee ahmabaka mônongovo ga Pierre gényôngéô évamba n’akedi ahsibôtu gô éongo éAjuif. Béyé na Barnabas amuene amasuméa te tatôa gameenda akedi.

Galatie 2:9

Jacques na Pierre na Jean te ane ahmapanga étômu na Jésus. Ahsitsumé paga mbe me nameetsô na Nzambé gésaô géndé n’ami egé. Ahmasambanéa na wa na Barnabas. Vane we muetso, asi géômbé gévo tômavanga mbe we avo tôkea gôéékéda ane ahsaba Ajuif na avo ahkea gôéékéda Ajuif.

Ephésiens 4:11

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie.

Philippiens 4:22

Asi mbumu éaNzambé muetso égô duégô, buéyé n’ane andé gô eba apene César gô Rome, anôkômbôa.

1 Thessaloniciens 5:20

Nômieenza ndongi dipandôéduni diviga gôndé Nzambé.