Mayanzame 11:16 - New Testament in Mitsogo

¹⁶ Vane te vamabangôa me éne émavovo Kumu Jésus mbe: Jean amanôbatésa na meba. Géé me, nanganôbatésa na Gédidi SaNzambé.

Mayanzame 11:16 ပူးပေါင်းရင်းမြစ်များ

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Matthieu 3:6

Gô mabégô maô mabévani môma na môma ameeséda amuene va pingô yoma na amadiia bateme gô mbéne étetu mbe Jourdain.

Marc 1:8

Me nanôbatésa na meba, ivô angô anganôbatésa na Gédidi SaNzambé.

LUC TSANGO EAMOSOBA EMATENDA 24:8

Agetoe amabangôa mavoviame maJésus.

LUC TSANGO EAMOSOBA EMATENDA 3:16

Vane Jean amanigôa ahngô mbe: Me nanôbatésa na meba. Ivô va ngimami gôngaviga muene na ngudi yedi diôtéa dine yami. Me te gétôkôtôkô. Angô te môtsé. Gétôkôtôkô ôgoeyee géôté môtsé. Ivô tsaba pengo gétôkôtôkô. Nandé ti gô tsina asangô. Anganôbatésa na Gédidi SaNzambé na soto.

Jean 1:26

Jean amasupua ahngô mbe: Me, nanôbatésa na meba. Ivô menyani mbe va gatse anyô deo noo gôndé muene asamenya anye.

Jean 14:26

Môwedine wanyô te Gédidi SaNzambé, géngatôméô anye na Téta géngaviagana me. Génganôéékéda na génganôbangôéda metso mameekéda me anye.

Jean 16:4

Me nanôévéda mabégô mema te mbe vangeenanô mangô mabuéa, nôsangatsapéô. Nôngabangôa mbe: Ii, tômookô mangô. Jésus amatôévéda te nane. V’ebandô tsinônigôé metso mane, gôébégô memuene namabaka vavo n’anyô.

Mayanzame 1:5

Na gô pie Jean amanôbatésa na meba, ivô vangoota pesu andéô Nzambé anganôbatésa na Gédidi Sedi.

Mayanzame 20:35

Gô mabégô metso me namani énôtubéda gayanza môma na mogo medi. Buéyé na gôéwedéa misuga nameenda te nane. Veenda wa n’anyô nane, tôbangôa éne émavovo Kumu Jésus mbe: Na gôéétsô, na gôéétsa, éne éôtéa na gényônga te gôéétsa.

I Corinthiens 12:13

Na wa n’anyô muetso tôbéyee Ajuif, tôsabéyee Ajuif, tôbéyee avéga tôsabéyee avéga, tômeetsô bateme gôékanda g’ôtô ôvo gô ngudi yaGédidi gévo, te géne SaNzambé. Na wa n’anyô muetso tôdônga gô ngudi yaGédidige géne.

II Pierre 3:1

Anami amôtéma, nôeni gésangô samôbaé génôtendéa me. Gô gésangô samapanga na samôbaé nabuta étimôa matasa meetsimama meedidi éanyô gô éne ébangôéda me anye.