Mayanzame 11:12 - New Testament in Mitsogo

¹² Gédidi SaNzambé gématôma me mbe: Timôga. Kiaka n’atsatsee n’adua na gô Césarée. Pierre amatubéda mbe: Nôeni, ana atétee n’ami, mbangiye môtôba édi. Amakea n’ami na gô Césarée. Tômeengéa muetso na gô eba aCorneille.

Mayanzame 11:12 ပူးပေါင်းရင်းမြစ်များ

Matthieu 1:20

Vamatasangô nane, ameena môsi g’ôba amavigédu na Nzambé na gôndé angô gô ndoti. Amavovo n’edi mbe: Joseph éwe môsi ébota éaDavid. Ombieena panda gôébaa ône amateteda éwe, Marie, tsangô mbe andé n’emé. Amatsua émee éne te gô ngudi yaGédidi SaNzambé.

Jean 16:13

Vangaviga Môwedi, angô te Gédidi gépandôéda mabégô mapie, géngatévéda anye gô mabégô metso mapie manzéane éaNzambé. Gésangavovo g’ogi edi, ivô géngabeenda anye metso mookô sangô. Génganôkeneda gô mabégô mangabuéani.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

Mayanzame 10:23

Pierre ameenda ahngô mbe: Ingéakani. Pitsi nene ahmeeboga gô eba aSimon. N’ongôngôe ône, Pierre amakea n’ahngô na gô mbôka yaô. Ana atétee n’edi asi mbumu éaNzambé avo agô Joppé amakea gôémôveegeda.

Mayanzame 10:45

Ane amaviga na Pierre gô Joppé gôémôveegeda na gô Césarée te oma aChrist agô éongo éAjuif. Amatsapéô ti v’ekôdéô éatsapéô vameenahngô mbe Nzambé ameetsa Gédidi Sedi na gôndé ane asibôtu gô éongo éAjuif.

Mayanzame 11:13

Angô amanigôa we éne émeenangô gô ebedi. Nyovo ameena môsi g’ôba amavigédu na Nzambé amatema va mbene edi. Môsi g’ôba amavovo n’edi mbe: Kudéga oma na gô Joppé gôéwanyéda mômôgôône eendô mbe Simon Pierre.

Mayanzame 13:2

Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 13:4

Gédidi SaNzambé gématôma Barnabas na Saul, na ahngô ahmakea na gô Séleucie. Gône ahmapeka gô mbôngô épôni gôébuéa na gô néngé ééndô mbe Chypre.

Mayanzame 15:7

Vamagogo ahngô étsumana pagaye, Pierre amatema. Angô mbe: Ana aTétee n’ami asi mubmu éaNzambé, nôsabômu mbe g’esevoeo me na Nzambé va gatse anyô vadingi. Amasevoa me gôénigôa Tsangô Eamôsôba éaJésus‐Christ gôndé ane asibôtu go éongo éAjuif. Nzambé amanyôngéô mbe n’ahngô muetso ookô na ahmôétsa mitémamie miaô.

Mayanzame 15:9

Nzambé asatatôa Ajuif n’ane asaba Ajuif. Amagôgéda mitéma miaô gômeetsahngô Jésus miangô gébé na paga.

Mayanzame 28:15

Ana aTétee n’asô go Rome amookô tsangône éasô te madeo tôsitsiga na amaviga gôéwanyéda we gô tungu éekasa éAppius na gô yeba yagenda dindô mbe Trois Auberges. Vameenana Paul n’ana aTétee n’edi agô mbumu éaNzambé, amakasôga na amakuméda Nzambé.

Mayanzame 8:29

Gédidi SaNzambé gématôma Philippe mbe: Kiaka. Wesea na gô dôtône.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

II Thessaloniciens 2:2

Nômbiasinga môma anôétsa gomo gô mitéma, na anôyungéda gô édidi mbe Kumu Jésus oombi éviga. Mavooe môma anganôbeenda nane gô meekédume vo eenda mbe apandôéda ébégô émeetsô angô na Nzambé. Mavooe dôta anganôpatéda mbe: Te Paul amatendéa we gô gésangôge nane.

Gétsutsuéô 22:17

Gédidi SaNzambé na muéba ômabaaôni, ahbambéa mbe: Vigaka. Na ône ôôkôni eenda mbe: Vigaka. Na ône ôôkô sôé avigéké, avinyua meba meetsa monyo mangeetsô angô géenza.