Mayanzame 1:8 - New Testament in Mitsogo

⁸ Menyani mbe anye nôngadiia ngudi vangaviga Gédidi SaNzambé na gôndé anye. Anye nôndéké mbangi yami na nôngatsua tsangô éami gô Jérusalem, na gô tsengeye yetso yaJudée, na yaSamarie, na ngu na tsengeye disibuéôkô na mbeego yagô makôdéô matsinane.

Mayanzame 1:8 ပူးပေါင်းရင်းမြစ်များ

Matthieu 24:14

Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Marc 16:15

Jésus amatôma aneengie mbe: Kiakani na gô tsengeye yetso. Ikédakani Tsangô Eami Eamôsôba gô mongome metso.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

LUC TSANGO EAMOSOBA EMATENDA 10:19

Oôkôni édué. Me nameetsa anye ngudi yeyeta nyogo na ngôtô, na gôébunza manyangame metso mamôdudeo. Anye nôsangookô pievia. Gôsaba sôma génganôbévédani.

LUC TSANGO EAMOSOBA EMATENDA 24:29

Ivô akedi abaé amamôsikéga mbe: Dunda n’asô éva, évitsie évigi, nyoo ôédi. Angô ameengéa gôédigaa n’ahngô.

Jean 15:27

N’anye dôta te mbangiye yami gôébégô bandôa v’ebandô nômabaka vavo n’ami.

Mayanzame 1:5

Na gô pie Jean amanôbatésa na meba, ivô vangoota pesu andéô Nzambé anganôbatésa na Gédidi Sedi.

Mayanzame 13:31

Gô pitsi diyekani Jésus amatsutsuga kuka yetso gôndé ane amanôtôga n’edi gô Galilée gôékea na gô Jérusalem. Deo noo ahngô andé mbangi yedi gôétusa tsangô éedi na gôndé akaô oma aIsraël.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Mayanzame 22:15

Gôébégô éwe te mbangi éedi gôénigôa oma muetso éne émeenewe na éne émookô éwe.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

Mayanzame 4:33

Ane amasevouni na amatômukuni amanigôa n’enyangee évôni gamakunduga Kumu Jésus g’ôwa. Na Nzambé ameetsa ahngô muetso mate mavôni.

Mayanzame 5:32

We adua tôndé mbangi éamabégôme matôvovoni éma. Te we adua na Gédidi gémeetsa Nzambé gôndé ane amôgobedani.

Mayanzame 6:8

Mate maNzambé mamabaka na Etienne gôémôétsa ngudi dipôni. Amatubéda oma émbégéa éangudi yaNzambé na mabégô manyônganéôni masoongôa môma ésupua.

Mayanzame 8:1

Na vane Saul amanyôngéô gamayôhu Etienne. Nyaa ômayôhu Etienne, te nyaa ômabandôa gékuanô gévôni sasi mbumu éaNzambé agô Jérusalem. Angô muetso buétsé te ane amatômukuni, amapanzangana na gô tsengeye yaJudée na Samarie.

Romains 10:18

Ivô me Paul natsapéô. ?Tambô ahngô madeo asiôkô-a? Na gô pie amookô. Matendeo MaNzambé matônigôa gôndé eekédi mbe: Ogie waô ômookanô gô tsinane nyetso. Mavovia maô mamabuéa na gô tunguye yamakôdéô matsinane.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.