Mayanzame 1:3 - New Testament in Mitsogo

³ Va mbene owedi Jésus amatsutsuga vandé ane amasevoukuni. Amatubéda ahngô gô minongo miyekani mbe: Nabaki g’ôwa, ivô na gô pie me nandé na monyo. Gô nzima yapitsi dinayi dimamana Jésus n’aneengie, amatsutsugaka na vandé ahngô kuka diyekani gôéahnigôa mabégô mokumu aNzambé.

Mayanzame 1:3 ပူးပေါင်းရင်းမြစ်များ

Matthieu 21:43

Jésus amoomba évovo mbe: Nanôpandôéda mbe t’ebandô ôkumu aNzambé ôngawatô gôndé anye na ôngeetsô avo oma andé ga géétété gébôta miônda miamisôba minyôngéô kumu éagéétété, te ane angeenda éne ényôngéô môtômine okumue aNzambé. [

Matthieu 28:9

Tsina na tsina Jésus amawanya n’ahngô. Na amasambanéa n’ahngô. Agetoe amawesea na amagudama na gô tsina gôémôbanda makôdôme na gôémôneegeda.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 4:2

Gô nzima dinayi yapitsi Jésus amakina môyakô gôévovo na Nzambé na pitsi n’omanda. Vane amookô nzaa.

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

Jean 20:26

Pitsi génana dimoota, aneengie aJésus amoomba éduga vavo gô eba, ahngô na Thomas muetso. Ebee ômabaka ômabandéku na môsapi. Ivô tsina na tsina Jésus amatsiga amatema va gatse aô na amavovo mbe: Gétabé gébaké gôndé anye.

Jean 21:1

Vamoota pesu andéô, Jésus amatsutsuga na gôndé aneengi edi avo, va mubu mbe Tibériade. Ebégôe émabaka te nane.

Jean 21:14

G’ekundugéa Jésus, éne te kukane éamôtatô ématsutsugangô na gôndé aneengi edi.

Mayanzame 13:31

Gô pitsi diyekani Jésus amatsutsuga kuka yetso gôndé ane amanôtôga n’edi gô Galilée gôékea na gô Jérusalem. Deo noo ahngô andé mbangi yedi gôétusa tsangô éedi na gôndé akaô oma aIsraël.

Mayanzame 19:8

Paul amakea na gô eba agéwanyéô sAjuif. Pitsi yetso gô ngonde ditatô ameekéda na bôkédé. Ameekéda mabégô mokumu aNzambé buta mbe ane ookôni akoe matasa maô.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Mayanzame 28:31

Ameekéda na bôkédé ôvôni mabégô mokumu aNzambé. Amanigôa Tsangô éaKumu Jésus-Christ gédékédu na môma.

Mayanzame 8:12

Ivô omee ane ameetsa Jésus mitéma miaô gôémôsinga vamookô ahngô Tsangô Eamôsôba éaJésus-Christ énigôa mane mokumu aNzambé, émeekédu ahngô na Philippe. Amôgôô n’ageto amabambéa Philippe gôébatésu. Na amabatésu.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Colosses 1:13

Endé te nane. Amatôwata g’ôvéga ômatômuku we n’evitsi. Amatôengéda gôétômu na Jésus Muanedi amôtéma.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

I Jean 1:1

We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô.