Mayanzame 1:2 - New Testament in Mitsogo

² ngu na nyee ômatômbu angô na Nzambé na g’ôba. N’egébataka na g’ôba, Jésus te amamana éétsa mitômamie na ndongiye gôndé aneengi edi, ane amasevou na amatômu na amuene Jésus. Amavovo n’ahngô te gô ngudi yaGédidi SaNzambé.

Mayanzame 1:2 ပူးပေါင်းရင်းမြစ်များ

Matthieu 12:28

Me nanôbeenda mbe nakuséda édidi ébévani te gô ngudi yaGédidi SaNzambé. Tambô kôngédani mbe ôkumu aNzambé ômasuma na gôndé anye.

Matthieu 3:16

Vamabatésu Jésus, amakusa gô mbéyi. Na vane, ôbee ômatatôga na Jean ameena Gédidi SaNzambé gésuma ga ménga na vandé Jésus.

Marc 6:30

Ane amasevôuni na amatômu na Jésus amaviga na gôndé Jésus na amamôbeenda éetso éne émeendahngô na émeekédahngô.

LUC TSANGO EAMOSOBA EMATENDA 24:51

Jésus agébaka gôéénda nane, na amatômbu na g’ôba. Amaagana na amatsika aneengie.

LUC TSANGO EAMOSOBA EMATENDA 9:51

Gédingéô saJésus sava tsina gémabaka géka gôégôga. Jésus amavanga môtôôe wedi gôékea na gô môsenge aJérusalem.

Jean 1:16

Wa n’anyô muetso tômani édiia ôkabô okitie ôndé n’edi. Tômadiia te mate makôndamani.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 13:18

Me tsavovo gôndé anye muetso. Tsabômu ane amasevôu na me. Menyani mbe mane manigôa Matendeo MaNzambé mangeenanô. Mangô mbe: One amaa tabudé épo n’ami, te ône amagéngôga gôékékôa me.

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 17:13

N’atsatsee naviga na vandé éwe. Navovo n’ewe mabégô mema, nagébaka gô tsenge nedué. Nanyôngéô mbe mitéma miaô miyôé na genyônga sami gésaba n’okana.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Jean 20:21

Jésus amoomba ékôndéga ahngô mate mbe: Gétabé gébaké gôndé anye. Vane amatôma ahngô mbe: Gamatômu me na Téta, me dôta nanôtôma mbe: Kiakani.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Jean 6:62

?Vangeenanye me, Muana Amôma nanikéa ébata na gômaviga me nôngeenda nayee?

Jean 6:70

Jésus amanikéda ahngô mbe: Me namanôsevoa anye nzima n’abaé. Eébéyée nane, môvô vandé anye andé te yabédé.

Mayanzame 1:11

Angô abaé amavovo n’aneengie mbe: ?Anye asi Galilée nôtema gôégébaméa g’ôba gôndé? Jésus ôdôô, atômbiô va gatse anyô gôékea na g’ôba, angô anganika mônongovo geeni anye angô abata.

Mayanzame 1:13

Gô Jérusalem ameengéa muetso gô tsongo ébakangô kuka yetso gô môgényé agô ngongo. Ane ameengéani te Pierre na Jean na Jacques na André na Philippe na Thomas, na Barthélemy na Matthieu, na Jacques muana aAlphée. Gômeengéa dôta na Simon, ône amabaka gétômbiatômbia gô mabégô matsengene, na Jude muana aJacques.

Mayanzame 1:9

Vamamana Jésus évovo nane amabata na g’ôba, aneengie aboni nani. Obôngée ômasuéga Jésus va miso maô.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Galatie 1:1

Oô te me Paul nanôtendeani. One amasevoa me na amatôma me gô éyanzee édué te Jésus‐Christ na Tétedi Nzambé, ône amakundua angô g’ôwa. Gôndé oma, kaka ahngô amatôma me.

Ephésiens 2:20

N’anye dôta nômani égésu gô eba ôsaaô va ngongo obôga. Obôgee te eekédi amasevou na amatômu na Christ, na te apandôédi amatasa maNzambé. Eengôe ésipa ebee te amuene Jésus‐Christ.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

II Pierre 3:2

Nanyôngéô mbe anye nôbangôa mabégôme mamapanga mamavovo apandôédi amatasa maNzambé mbeego. Bangôani dôta mige na mitôma miaKumu na Mooboyi asô n’anyô mimeekéda ane amatômuku na Jésus.

Gétsutsuéô 1:1

Gô gésangô gegé nôngookô tsangô éamane mamatsutsua Jésus‐Christ. Nzambé amasingéa Jésus‐Christ gôétsutsua mangô gômbe angatévéda ayanzi edi mane mangabuéani. Amakudéga môsi g’ôba na gôndé môyanzi edi Jean, gôémôtévéda mabégô mema.

Gétsutsuéô 2:11

Okô mbe anye nôndé na matô, ôôkôni môma na môma mane mavovo Gédidi SaNzambé na anye, asi mbumu éaNzambé. Angô mbe: Ane adiiani gô ébadi égenyuni asangawa ôwa amôbaé.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.

Gétsutsuéô 2:29

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 2:7

Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 21:14

Môgômbee amôsengee ône ômadigédu gô ngongo obôgee ômasaaô na nzima adibobo na dibobo dibaé. Gô yangô gômatendu nzima amina na mina mabaé maane amasevouni na amatômukuni n’amuene Môpaga Endombo.

Gétsutsuéô 3:13

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:16

Ivô ti gandé anye na pioo, gébé na sodi gébé na epiô, nangôga anye gô mônyami te ôgaga.

Gétsutsuéô 3:22

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.