Mayanzame 1:13 - New Testament in Mitsogo

¹³ Gô Jérusalem ameengéa muetso gô tsongo ébakangô kuka yetso gô môgényé agô ngongo. Ane ameengéani te Pierre na Jean na Jacques na André na Philippe na Thomas, na Barthélemy na Matthieu, na Jacques muana aAlphée. Gômeengéa dôta na Simon, ône amabaka gétômbiatômbia gô mabégô matsengene, na Jude muana aJacques.

Mayanzame 1:13 ပူးပေါင်းရင်းမြစ်များ

Matthieu 9:9

Vamakea Jésus oota nani, ameena mômôgôône atetu mbe Matthieu, andé digaa gô tsongo émavanô dode yadepu. Jésus amamôbambéa mbe: Oka nzéepo n’ami. Matthieu amatimôga na amakea géômbé gévo na Jésus.

Marc 14:15

Na anganôtubéda tsongo épôni gô môgényé agô ngongo. Nôngadenga éetso kuanakue wangô. Nôkekônza sueti éasô n’anyô te gône.

Marc 14:33

Vane amabambéa Pierre na Jacques na Jean gôékea n’edi. Môtémedi ômatuna na ômookô pievia.

Marc 2:14

Vamoota Jésus oota nani, ameena Lévi muana aAlphée andé digaa gô tsongo ékôkégu dode yedepu. Amamôbeenda mbe: Oka nzéepo n’ami. Lévi amatimôga na amakea na Jésus géômbé gévo.

Marc 5:37

Jésus asisingé muene môma akea n’edi buétsé te Pierre na anayaa Jacques na Jean.

Marc 9:2

Vamoota pitsi môtôba, Jésus amakea na Pierre na Jacques na Jean na gô ngongo amôkôdi ôdooda. Vasibaké muene môma te Jésus n’aneengie atatô. Otô aJésus ômakoga va miso maô.

LUC TSANGO EAMOSOBA EMATENDA 22:12

Anganôtubéda tsongone épôni gô môgenye agô ngongo éndé na tabudé na dikôndi. Te gône gôngakônzanye Pâquene.

Jean 11:16

Vane Thomas ône atetu mbe Evasa, amavovo n’aneengie n’edi mbe: Te nane, ôkani. Tôkeyôhu kukepo na môékédine wasô.

Jean 14:22

Môneengi môvo inedi Jude, (kaka Judas Iscariote) ameevôa Jésus mbe: ?Kumu ékegea nayee? éne évovi éwe mbe: Nangatsutsuga te vandé anye, kaka vandé asi tsengene.

Jean 18:17

Môkenene ombaa ameevôa Pierre mbe: ?Ewe kaka môvo môneengi amômôgôô nône-a? Pierre amatôna mbe: Aé, kaka meôô.

Jean 21:2

Simon Pierre na Thomas, (ône amabaka évasa) na Nathanaël (môsi Cana gô tsenge éaGalilée) na ane abaé aZébédéé, n’avo aneengi abaé amabaka muetso vavo.

Mayanzame 12:17

Pierre amadékéda ahngô n’ogogo ôtévo mbe: Kôdani. Amanigôa akedi gamakusédu angô na Kumu Nzambé gô tsôgôô. Ameenda mbe: Beendani Jacques na ana a Tétee n’ami muetso. Te angô keaga na gô nyene tungu.

Mayanzame 15:13

Vamamanahngô énigôa, Jacques amabika mbe: Ana aTétee n’ami asi mbumu éaNzambé ôôkôni édué.

Mayanzame 2:14

Pierre amatema gôévovo. Akedi ane amatômukuni nzima na môvo amatema n’edi. Pierre amavovo na géômbége na ôgi akangégangé mbe: Anye Ajuif, n’anye muetso nôdigaa gô Jérusalem vôtanganôni, ôôkôni édué.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 20:8

Gô tsongo émawanya we gô môgényé agô ngongo eba, gômabaka pingô yadambi.

Mayanzame 4:13

Asi kundu épôni amatsapéô vameenangô Pierre na Jean avovo gébe na gomo. Amatsapéô asibômu mbe abaé adua te oma abobo asaba na géneenga gévôni. Ahsibômu dôta mbe adua te ane amavamba na amakénga va meego na Jésus.

Mayanzame 4:19

Vane Pierre na Jean amabika n’ahngô mbe: Tasani anyene éne éndé kuanakue va mbene aNzambé gôéénda. ?Enyepa gôégobeda anye-a? ?Vo enyepa gôégobeda Nzambé?

I Corinthiens 15:7

Va mbenene vane amatsutsuga na vandé Jacques na dôta vandé ane amasevouni na amatômukuni n’amuene Jésus.

Galatie 1:19

Tsiene muene amatômuku na Jésus, buétsé te Jacques môdimine aKumu Jésus.

Galatie 2:9

Jacques na Pierre na Jean te ane ahmapanga étômu na Jésus. Ahsitsumé paga mbe me nameetsô na Nzambé gésaô géndé n’ami egé. Ahmasambanéa na wa na Barnabas. Vane we muetso, asi géômbé gévo tômavanga mbe we avo tôkea gôéékéda ane ahsaba Ajuif na avo ahkea gôéékéda Ajuif.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

II Jean 1:1

Me pene agô mbumu éaNzambé nanôkômbôa yaa Kyria môgeto ômasevou na Nzambé. Nakômbôa éwe n’anoo. Nanônyôngéô na gô pie. Kaka memuene môtévo nanônyôngéôni. Te n’ahngô muetso asabômu mabégô mapie anônyôngéôni.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.