Matthieu 5:29 - New Testament in Mitsogo

²⁹ Okô isoe yoo éagéeyo gémôgôô éndé ga pagô gôégôkubéda gô mabégô mabévani, tambô yuua éangô na gunya éangô gôdagôda n’ewe. Okô ôkonzogi iso évo, gôndé éwe ésaba édagani. Ivô, ôkô ôtôe woo wetso ôgunyu gô mungu asoto, te ébégô éôtéa édagani.

Matthieu 5:29 ပူးပေါင်းရင်းမြစ်များ

Matthieu 10:28

Nônookô oma gomo, ane andé na ngudi yeyôha ôtôe woo. Ivô ôôkôni Nzambé gomo. Te ône andé na ngudi yeyôha ôtôe na gédidige setso gô mungu asoto.

Matthieu 11:6

Ti gô gényônga géndé n’ewe ômeetsa me môtémoo wetso, na ôsakuéa gékôba gôénika na gô ngima.

Matthieu 16:26

?Tsoongo ndé ôkô môma adiia éôma éetso éava tsina na adimbanéda monyoe wedi apie? ?Môma angavana monyo na sôma ndé?

Matthieu 17:27

Buéyé mbe nane, wa n’anyô tôsanyôngéô ébévéda adua. T’ebandô éwe Pierre kiaka na gô mubu, kuya éobo. Yuua nyamane éamapanga. Kukua yangô mônyee. Ongadenga dodeye diwanya n’otangôe adepune éasô n’oo. Okea na yangô ôkedivana depune.

Matthieu 19:12

Gôndéké mabégô matatô madékéda môma gôébaa na gôébaaô. Ebégô évo, oma amabôtu yôtôye gébé kuanakue gôébaa na gôébaaô. Evo ébégô te avo oma amakou n’oma aka ga mivangô. Na évo ébégô te avo oma asabaa na asabaaô te gôébégô éokumu aNzambé. One angoongôa ésinga ôgie ône asingéké.

Matthieu 23:15

Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Nôkénga mitôô tsengene nyetso gô tsényé na gô mubu gôédiia môma môvo asinga meekédume manyô. Vakangô mômanyô, nômôkoa mbe ébévee éedi éngootéa pepe éne éanyô.

Matthieu 23:33

Anye te ti gandé nyogoye. Nôgono na mbigé. Anye nôndé n’etasa mbe: We tôsangakea gôébungana. ?Nôngabusuga mungu asoto nayee?

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Matthieu 5:30

Na dôta, ôkô ôgogoe woo agéeyo gémôgôô ôndé ga pagô gôégôkubéda gô mabégô mabévani, tambô kitsa ango na gunya angô gôdagôda n’ewe. Te nane. Okô éwe ôkonzogi ôgogo ôvo, gôndé éwe ésaba édagani. Ivô ôkô ôtôe woo wetso ôgunyu gô mungu asoto, te éne éôtéa édagani.

Marc 8:36

?Tsoongo ndé ôkô môma adiia éôma éetso éava tsina na adimbanéda monyoe wedi apie‐a?

LUC TSANGO EAMOSOBA EMATENDA 12:5

Oôkôni geevéda me anye. Buedi gôéôkô Nzambé gomo. Vangayôhu ôtô, Nzambé andé na wene ôwa, te ône agô mungu asoto. Ii, nanôevéda te nane. Oôkôni Nzambé gomo.

Romains 6:6

Tônigôgéôni buedi édué. Mônongoe ômabaka n’asô n’anyô va mbeego ômakomedu na Christ kukepo gôéwa n’edi va gésumu sowa. Te gômbe mônongoe wasô n’anyô ôbévani ômadimbana. Na wa n’anyô tôsabadô g’ôvéga amabégô mabévani gôétômu na mangô.

Romains 8:13

Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.

I Corinthiens 9:27

Natôma ôtôe wami gôéyanzéda angô ganyôngéô me gôéekaganédu angô. Neenda nane kabaga me môékédi aNzambé, nakuba gô mane meekédi me anye mbe: Nôwema, nômbiakuba gô mangô.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.