Matthieu 25:40 - New Testament in Mitsogo

⁴⁰ Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 25:40 ပူးပေါင်းရင်းမြစ်များ

Matthieu 10:40

One asinga anye, asinga dôta na me. One asinga me asinga dôta na ône amatôma me.

Matthieu 10:42

Nanôbeenda ébégô édué éapie mbe, ône eetsa gébungu sameba masodi na gôndé môvo va gatse aneengie ami, gôndé angô mômami, môétsine angadiia misenda.

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 25:39

We tôsigôene vamabeea éwe na we tôsibuéé gô eba atsôgôô gôégôena gône.

Matthieu 25:45

Kumu amaabéa ahngô mbe: Nanôbeenda na gô pie mbe kuka yetso disiwedéé anye anami, béyé mbe viana vigevige, anye nôsiwedéa te na me.

Matthieu 28:10

Jésus amasuméda ahngô mitémamie mbe: Nôneena gomo. Kiakani nôkebeenda ana aTétee n’ami mbe: Kiakani na gô Galilée. Nôngeena Jésus te gône.

Marc 9:41

One anôétsa pengo gébungu sameba gôényua gô ina aChrist étôvambani, nanôbeenda na gô pie mbe angadiia môsenda.

LUC TSANGO EAMOSOBA EMATENDA 19:38

Te mbe mate maNzambé mabaké gôndé môtômine asô avigi gô ina aKumu. Gétabé gébaké dôta na gô gédigaa sedi g’ôba. Ondômbee wetso te gôndé Nzambé.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 5:30

Gôébégô tôndé éeyo éotôe wedi.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Jean 4:20

Okô môma avovo mbe: Me nanyôngéô Nzambé na angô adudu môkedi, angô te môpati. Bononi. ?Angô gényôngéô môkedi eena angô na miso, anganyôngéô Nzambé aseenanôni‐a?

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:16

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.