Matthieu 25:10 - New Testament in Mitsogo

¹⁰ Vamakeahngô atayi, gôésômba pitidodine, mômôgôô nône, kumu ayômba amatsiga. Akaô atayi ahmabaka kuanakue gôévéngéa angô ahmeengéa n’edi na gô eba gôéaa sueti éayômba. Ebee ômabandéku.

Matthieu 25:10 ပူးပေါင်းရင်းမြစ်များ

Matthieu 24:42

Imbakani géembemba gôébégô nôsamenya nyee ôngaviga Kumu anyô.

Matthieu 24:43

Vôtanganôni édué. Kumu eba mbe amenya pitsine éviga muisui, angô mbe angeemba géembemba mbe asangasinga ebedi ôpadô.

Matthieu 24:44

T’ebandô anye dôta bakani nômakoamani kuanakue gôévéngéa me, gôébégô me Muana Amôma nangaviga gô ndéône ésangatasanye.

Matthieu 25:6

Va gatse apitsi ahmookô ôgi ôadôngana mbe: Kumu ayômba avigi, vigani gôéwanyéda angô.

Matthieu 7:21

Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

LUC TSANGO EAMOSOBA EMATENDA 12:35

Bakani kuanakue gôéaabéa ône anganôbambéa gôéyanza. Eenéani angô nômoodeda mikandamie mianyô na mikodi. Digaani na dambi yanyô diyôani.

LUC TSANGO EAMOSOBA EMATENDA 13:25

Okô kumu eba andé gô ebedi na amamana ébandéka na môsapi, n’anye nôndé gô môkii, buéyé mbe nôbôkéda na nômôbambéa mbe: Kumu eba kukuéa we, asanganôkukuéa. Anganôénda mbe: Me tsamenya gôviganye.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

Gétsutsuéô 1:7

Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.

Gétsutsuéô 19:7

Tôtsôkékéni. Tôenéni gényônga. Tôkumédéni ôndômbedi. Ndéône ébuéyi éne éayômba dingabaa Môpaga Endombo. Môgetone angabaaôni amani ékôkéga.

Gétsutsuéô 22:20

Jésus, ône amatôtsikéa gésuka gétubéda mbe asapata, avovo mbe: Ii, bonoko me navigi. We dôta tôaabéa mbe: Ii, ébaké nane. Vigaaka Kumu Jésus.