Matthieu 20:27 - New Testament in Mitsogo

²⁷ Gôndé anye, ône anyôngéô étubéda ényangee éedi abaké môvéga aakedi muetso.

Matthieu 20:27 ပူးပေါင်းရင်းမြစ်များ

Matthieu 18:4

Pene ag’ôkumu aNzambé te ône aasugéda amuene gébé na bôpeeo gôéba ga muanéngé.

Matthieu 20:26

Ivô gôndé anye ésaba nane. Okô môvo va gatse anyô anyôngéô éba pene abaké môyanzi aakedi.

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

LUC TSANGO EAMOSOBA EMATENDA 22:26

Esanyepa nane va gatse anyô. One anyôngéô éba pene va gatse anyô abaké ga môdimi anyô, na môtômi abaké môyanzi.

Romains 1:14

Nameetsô éyanza, ta madeo ésigôga édita gô môtéma ga égumba. Eyanzee te gôébuéda Tsangô nedué na gôndé oma muetso. Nabuéda éangô na gôndé éongo ékuma na éodo, na gôndé éongo ésaba n’eodo, na gôndé asi géneenga gévôni na gôndé ane asaba na géneenga.

II Corinthiens 11:5

Anye nômenya mbe ane aviga gôénôékéda mabégôme mane te eekédie enyanga évôni. ?Tambô me Paul kaka môékédi môvôni‐a? ?Me tsitômu na Jésus‐a?

II Corinthiens 12:15

Gôndé me nangeena buedi gôékaba éami eétso na gôndé anye. Nakabéyee béye na memuene muetso gôénôwedéa. Vangeenda me nane, ényôngéôe éami gôndé anye ébata te bataga, ivô éne éanyô gôndé me ésugéa te sugéa. ?Ebégôé éne ékegea nayee?

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.