Matthieu 13:44 - New Testament in Mitsogo

⁴⁴ Jésus amavovo mbe: Okumu aNzambé ôgono na ôkiti ôvôni ômasuégu gô tsaga. Mômôgôô amatsutsua ôkitie ône na amoomba éôsuéga. Gô gényônga sedi amakea akesômbéda éetso éndé n’edi gôédiia dode gôésômba tsaga nene.

Matthieu 13:44 ပူးပေါင်းရင်းမြစ်များ

Matthieu 13:24

Jésus amagunya ahngô épo tsava mbe: Nagoneda ôkumu aNzambé na môma amamuaka mibie miamisôba gô tsagedi.

Matthieu 13:46

Vangeenangô môsangee osunu ôvôno angasômbéda éetso éndé n’edi gôédiia dode gôésômba môsangee ône.

Matthieu 13:47

Jésus amavovo mbe: Okumu aNzambé ôgono na mbusa égunya oma gô mubu. Gô yangô gôpikô nyama yaminongo mietso.

Matthieu 19:21

Jésus amavovo n’edi mbe: Okô ônyôngéyiô éba gébé n’oési, kiaka ôkesômbéda éetso éndé n’ewe. Obongo dodeye ôkekabanéa na misuga. N’ewe ôngaba n’okiti g’ôba. Na vane ôviga gôékea nzéepo n’ami.

Matthieu 19:27

Pierre amasiia gô nyivô, angô mbe: Aanaka Kumu, we adua tômatsika éetso na tôndé ti gôékea nzéepo n’ewe. ?Gôndé we éngaba nayee?

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Matthieu 6:21

Môtémoo ôndéké gô tungune évagewe ôkitie woo.

LUC TSANGO EAMOSOBA EMATENDA 14:33

Va vane Jésus amatimbôanéda mbe: Gôndé anye te mônongovo. Gôsaba môma angakea n’ami nzéepo gôéba môneengi ami, angô gékiné éetso éndé n’edi.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Romains 15:4

Metso matôtanga gô Matendeo MaNzambé mamatendu mbeego gôétôékéda. Gômbe tôngaténdéda na môvinéné mane mookô we gô Matendeome. Mangô makasôgéda we.

Colosses 2:3

Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Gétsutsuéô 3:18

T’ebandô nanôbeenda mbe: Nandé na dodo dimakanzô gô soto gôénôtôa totone nyetso. Sômbakani yangô gôndé me, n’anye nôngaba ékiti. Sômbakani dôta na maduani mavembo nôaata mangô gôésomeda yôtô yanyô kabaga nôba na tsoyi éaminyenge. Sômbani na mbôga gôésôga gô miso manyô mapogu mbe mangô mangapoga.