Marc 9:50 - New Testament in Mitsogo

⁵⁰ Vianga te sôma samôsôba. ?Ivô ôkô viangô visabadô na duegi, môma angavinikéda duegi nayee? Bakani ga vianga viaduegi. Digaani na mitéma mimasumani anyene n’anyene.

Marc 9:50 ပူးပေါင်းရင်းမြစ်များ

Matthieu 5:13

Anye nôndé ga vianga gô tsengene. Okô vianga visabadô na duegi ?môma oongôa évinikéda duegine nayee? Okô viangavie visiba na duegi vingagunyu na gô mbadi, na oma angaviyeta.

Marc 9:34

Ahngô ahsisiié. Gôébégô gô nzéa ahmabaka gôégagana ényangee. Oô mbe: Me nootéa émenyanganô na Kumu.

Marc 9:49

Soto géngatumbu gôndé muetso mônongovo gamuakô vianga gô mabunza.

Romains 12:18

Gô gésa sanyô, ôkô mbe nôngoongôa, digaani n’oma muetso na gétabé.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Ephésiens 4:29

Nônavovo ta n’ebégô évo ébévani. Nôvovo te mane mandé na tsoongo gôéwedéa akanyô gôéwesedangô gô nzéa éaNzambé étôkéani. Mavovia manyô mandé n’eyanza gôényepeda akanyô. Vane nônganyepeda muetso ookéô anye.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Colosses 4:6

Buedi mbe gô ndéô yetso mavoviame manyô vandé oma mabaké mamaninganinga na mbe manyepedu na sekaseka ganyepeda môma mabunza na vianga. Menyani éaabéa kuanakue nyivôye yetso dibambéa oma.

1 Thessaloniciens 5:13

Tubédakani angô géneega na étondo gôébégô éene éyanzangô. Digaani n’evamba éagétabé.

II Timothée 2:22

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

Hébreux 12:14

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

Jacques 1:20

Opisa amôma ôsakônza ébégô ganyôngéô Nzambé amuene gô étsimama éedi mbe ékônzu.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.