Marc 6:41 - New Testament in Mitsogo

⁴¹ Vane, Jésus amabongo mipemba mitayi na nyama dibaé yagô mbéyi. Amabokaméa na g’ôba gôéduka Nzambé mate medi. Amabukua mipemba. Ameetsa aneengie. Ahngô ahmamikaba n’oma muetso. Jésus amakaba nyama dibaé yagô mbéyi gôndé ahngô muetso.

Marc 6:41 ပူးပေါင်းရင်းမြစ်များ

Matthieu 14:19

Vane amatôma géômbége setso gôédigaa v’esingaa. Na amabongo mipembamie mitayi mine na tônyama tôbaé tagô mbéyi na amabôkaméa miso medi na g’ôba na amaduka Nzambé mate medi. Amabukua mipemba na ameetsa aneengie. Ahngô amamikabanéa n’oma muetso.

Matthieu 15:36

Amabongo mipemba tsambué na tônyamate. Amakuméda Nzambé gô éangô. Amabukua éangô. Ameetsa aneengie. Aneengie dôta amakabanéa éangô na géômbége.

Matthieu 26:26

Vamaakangô, Jésus amabongo môpemba. N’emana ékuméda Nzambé gô angô amoobukua. Ameetsa aneengi edi. Angô mbe: Bongoni. Aakani. Odôô te ôtôe wami.

Marc 14:22

Vamaakahngô, Jésus amabongo môpembee. N’emana ékuméda Nzambé gô angô, amoobukua. Ameetsa aneengi edi. Angô mbe: Ii, mani. Aakani. Odôô te ôtôe wami.

Marc 6:40

Ahmadigaa muetso tsôôgô épo môkama, tsôôgô épo nzima ditayi.

Marc 6:42

Môma na môma amaa na amanguta.

Marc 7:34

Amabôkaméa na g’ôba na amavéguma na gégogomeo. Amavovo na mômôgôô mbe: Ephphatha. Evéndégéô mbe kukuga.

Marc 8:19

Vamabukua me mipemba mitayi gôéyéséda mitônisa mitaya mioma ?anye nômadingôa tsaô dikee yatsese dimasanéakani? Aneengie amaabéa mbe: Nzima na tsaô dibaé.

LUC TSANGO EAMOSOBA EMATENDA 24:30

Vamadigaahngô va tabudé, Jésus amabongo môpemba na amakuméda Nzambé gô angô. Amabukua angô, na ameetsa akedi.

LUC TSANGO EAMOSOBA EMATENDA 9:16

Vane Jésus amabongo mipemba mitayi na tônyama tôbaé tagô mbéyi. Amabôkaméa miso medi na amaduka Nzambé mate gô éangô. Amabukua mipemba na ameetsa aneengie. Aneengie dôta ahmamikabanéa n’oma muetso.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 6:11

Jésus amabongo mipembamie na amaduka Nzambé mate gô miangô. Vane amamikabanéa n’ane amabaka digaa. Na nyama yagô mbéyi amadikabanéa te mônongovo ngu n’emanyôngéô omee.

Jean 6:23

Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé.

Mayanzame 27:35

N’emana évovo nane, Paul amabongo mipemba na amakuméda Nzambé gô miangô va mbene oma muetso. Amamibukua na amaa.

Romains 14:6

One agobeda môsee, agobeda te gôéneegeda Kumu. One aa éetso, aa te gôénéégeda Kumu gôébégô akuméda Nzambé gô môyakôe wedi. One asaani, akina môyakô gôéneegeda Kumu na akuméda Nzambé.

I Corinthiens 10:31

Nômbiatsapéô. Buéyé mbe aakani buéyé mbe nyuakani, buéyé mbe indakani pati ébégô, indakani metso te gôékuméda Nzambé.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.