Marc 2:20 - New Testament in Mitsogo

²⁰ Gô ndéône ésangaba mômôgôô kumu ayômba v’angô, géômbé sedi géngakina môyakô te nyoone.

Marc 2:20 ပူးပေါင်းရင်းမြစ်များ

Matthieu 26:31

Jésus ameevéda aneengi edi mbe: Ti éne éngabuéa gôndé me na pitsine, anye nôngatsika me. Te gatôtanga gô Matendeo MaNzambé mbe: Môkeneyi amandombo angayôhu. Na mandombome mangapanzangana metso.

Matthieu 9:15

Jésus amaabéa ahngô mbe: ?Géômbé sasueti ayômba géngaba na mitéma miditani amuene mômôgôô, kumu ayômbaye andé digaa n’ahngô gô suetine‐a? Asangaba na mitéma miditani. Gô ndéône ésangaba kumu ayômba vangô, géômbége sedi géngakina môyakôe te nyoone.

Marc 2:19

Jésus amaabéa ahngô gô kôgô mbe: ?Géômbé sasueti ayômba géngakina môyakô asueti amuene mômôgôô, kumu ayômbaye andé vangô‐a? Gésangakina.

Marc 2:21

Môkanda edôngé ôsananôkô gébambo gô épôdéké éangoyi émani ébooni. Gébamboge sedôngé gésusuga gôôvôu sangô na gékaka ngoyine ébooéni. N’epôdékée ébaki égegé te éka vembe na memba.

LUC TSANGO EAMOSOBA EMATENDA 17:22

Vane Jésus amavovo n’aneengie mbe: Gô ndéôye divigani, anye nônganyima me Muana Amôma gôéba n’ami pitsi amôbongo gandé wa n’anyô n’atsatsee pitsi yetso. Ivô nôsangadôena me ta na pitsi épo.

LUC TSANGO EAMOSOBA EMATENDA 5:35

Gô ndéône ésangaba mômôgôône, kumu ayômbaye vangô, géômbé sedi géngakina môyakôe te nyoone.

Jean 12:8

Misugamie mindéké n’anyô pitsi yetso. Ivô me tsangaba n’anyô pitsi yetso. Ivô me tsangaba n’anyô pitsi yetso.

Jean 13:33

Anami, nagébaka vavo n’anye te vipesu viandéô. Ene émanigôa me Ajuif, nanônigôa éangô te mônongovo. Nôngabuta me ivô gôkea me anye nôsangagôbuéa.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 16:7

Me nanônigôa ébégô éapie édué. Bangôani éangô. Gébatéô sami na g’ôba te ébégô éamôsôba gôndé anye. Okô tsibata, Môwedi mbe asangaviga na gôndé anye. Okô vakea me, nanganôkudégéa Môwedi.

Jean 17:11

Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo.

Jean 17:13

N’atsatsee naviga na vandé éwe. Navovo n’ewe mabégô mema, nagébaka gô tsenge nedué. Nanyôngéô mbe mitéma miaô miyôé na genyônga sami gésaba n’okana.

Jean 3:29

Muéba te amômiedi, kaka amuene môma. Buéyé nane, wee amômôgôône andé te va kôbangô edi gôéôkô ôgie edi. Na angô atsôkéa gô gényôngage sawee edi. Gényôngage géne te sami. Na géndéké gémadugani.

Mayanzame 1:9

Vamamana Jésus évovo nane amabata na g’ôba, aneengie aboni nani. Obôngée ômasuéga Jésus va miso maô.

Mayanzame 14:23

Go tunguye yetso dimawanya asi mbumu éaNzambé, Paul na Barnabas amasevoéa ahngô peeye dingatômani. Ahmadigaa amakina môyakô gôévovo na Nzambé na vane ahmadeekeda ahngô na gô mogo maKumu, ône ameetsahngô mitémamie.

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

I Corinthiens 7:5

Nômbiakinana anyene n’anyene. Buétsé te nôvanga anyene abaé g’ôtangô apitsi mbe: Tsanyôngéô éyungédu na mane matasa nandé gôévovo na Nzambé pitsi yedi. Na va mbene ene nikéani égésangana kabaga nôsoongôa ébibéda na kabaga nôkuéa gô éne éngakanégu anye na Satan.

II Corinthiens 11:2

Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo.

II Corinthiens 11:27

Namayanzédu mayanza madagani. Nameena maguga mamootéani. Pitsi diyekani oma asisingé me neeboga vio. Namookô nzaa na sôé. Kuka diyekani oma asidugédu me môyakô. Namookô sodi na tsibé na mikanda.

II Corinthiens 6:5

Tômabitô na mibitô na tômeengédu na gô eba atsôgôô. Oma amatuba n’asô misoso miagébé n’ebandô. Tômayanzédu tsôgôô we gébé n’oési. Oma asienede we éso avio, na asiitsé we môyakô amookedu we nzaa.

Gétsutsuéô 19:7

Tôtsôkékéni. Tôenéni gényônga. Tôkumédéni ôndômbedi. Ndéône ébuéyi éne éayômba dingabaa Môpaga Endombo. Môgetone angabaaôni amani ékôkéga.

Gétsutsuéô 21:9

Môvo va gatse asi g’ôba tsambué amasimbéda ébungue tsambué émayôa na panda yevunga tsambué yamôyusumédue, amabambéa me Jean mbe: Vigaka. Nagôtubéda muéba ôbayiô na Môpaga Endombo.