Marc 14:38 - New Testament in Mitsogo

³⁸ Bakani géembemba géebogé. Vovoni na Nzambé anye muetso kabaga nôkuba vangakanégu anye gô mabégô mabévani. Gédidi samôma gényôngéô éénda mane manyôngéô Nzambé, ivô ôtôe ôdeeda.

Marc 14:38 ပူးပေါင်းရင်းမြစ်များ

Matthieu 24:42

Imbakani géembemba gôébégô nôsamenya nyee ôngaviga Kumu anyô.

Matthieu 25:13

Jésus angô mbe: Bakani misiki. Anye nôsamenya pitsi. Nôsamenya ndéô.

Matthieu 26:41

Bakani misiki géebogé. Vovoni na Nzambé anye muetso kabaga nôkuba vakanégu anye gô mabégô mabévani. Gédidi samôma gényôngéô éénda mane manyôngéô Nzambé ivô ôtôe ôdeeda.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Marc 14:34

Jésus amavovo n’ahngô mbe: Môtémami ôena panda épôni ganakeewa. Sanéani éva. Bakani géembemba géebogé.

Marc 14:37

Jésus amoomba énika na vandé aneengie atatô. Amadenga ahngô ahndé gô vio. Amavovo na Pierre mbe: ?Simon, ôeboga vio? ?Osoongôa ésipa géebogé ta na pesu andéô‐a?

Marc 14:39

Jésus amoomba étongonéa n’ahngô. Amavovo na Nzambé ébégôe te évo.

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

LUC TSANGO EAMOSOBA EMATENDA 22:40

Vamabuéahngô gô tungune yangô, Jésus amoongô ahngô ndongi mbe: Dukani Nzambé gômbe vangakanégu anye na yabédé gô mabégô mabévani, kabaga anye nôsaba na ngudi yemôkinéa.

LUC TSANGO EAMOSOBA EMATENDA 22:46

Amavovo n’ahngô mbe: ?Nôeboga nayee? Timôgani na vovoni na Nzambé gômbe vangakanégu anye na yabédé gô mabégô mabévani nôngamakôa.

I Corinthiens 16:13

Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé.

Galatie 5:17

Te nane, môtéma na ésimedi ôndé na tsôvé dipengana na Gédidi SaNzambé. Tsôvé yaGédidi SaNzambé dôta disanyônganéô na môtéma gabôtu môma. Tsôvé yamôtéma na dine yaGédidi SaNzambé dipengana anguene n’anguene te gadagéô anye éénda mane masabômu anye mbe te mamisôba.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.