Marc 14:36 - New Testament in Mitsogo

³⁶ Jésus angô mbe: Ah Téta, ôsadagéô ébégô. Nôtôa me gébunguge samaguga égé. Ivô béyé nane, kaka éne ényôngéô me ééndôni, ivô te éne ényôngéô éwe.

Marc 14:36 ပူးပေါင်းရင်းမြစ်များ

Matthieu 26:39

Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

Matthieu 26:42

Ene éamôbaé Jésus amoomba étsika aneengie na amavovo na Nzambé mbe: Ah Téta, ôkô mbe gébunguge egé ôsagémôtôa gôndé me ta madeo tsipanga égényua, ébaké te ganyôngéô éwe.

Matthieu 6:9

Nôeni mônongoe ônyepa évovo na Nzambé. Nôvovo te mbe: Tétasô ôndé g’ôba Nanyôngéô mbe inoo éneegedu.

Marc 10:27

Jésus amabono ahngô. Amavovo n’ahngô mbe: Gô ngudi yamôma amuene gôédiia géobogeo, géndégégé. Buétsé te gô ndugi yaNzambé. Amuene Nzambé asadagéô ta n’ebégô évo.

Marc 10:39

N’ahngô ahmaabéa mbe: We tôngoongôa. Jésus angô mbe: Na gô pie anye nônganyua gébunguge génganyua me. Na nôngeenôô batemene éngeenôô me.

Marc 14:37

Jésus amoomba énika na vandé aneengie atatô. Amadenga ahngô ahndé gô vio. Amavovo na Pierre mbe: ?Simon, ôeboga vio? ?Osoongôa ésipa géebogé ta na pesu andéô‐a?

Jean 12:27

Jésus amavovo mbe: Môtémami ôdita te ditaga. ?Nangeenda nayee? ?Nangoongôa éénda mbe: Téta yuua me gô éne éka gô buéaga-a? Ka me, namaviga te gô éne. Namaviga te gôéengéa gô ndéô nedue éamaguga na gôéôta gô mangô.

Jean 18:11

Jésus amadékéda Pierre mbe: Nikéda yengane yoo gô kôtô. ?Gébunguge samaguga gémeetsô me na Téta tambô tsangagényua-a?

Jean 4:34

Jésus amanigôa ahngô mbe: Môyakôe wami te gôégobeda ône amatôma me. Môyakôé wami dôta te gôémana éyanza ématômu me n’edi.

Jean 5:30

Jésus amanigôa mbe: Tsoongôa éyanza gô ngudi yamemuene. Natsundéda oma te gatévu me na Nzambé. Vane géesédéô sami géeséda me oma gésapengana gôébégô tseenda éne ényôngéô memuene. Me neenda te éne ényôngéô ône amatôma me.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Philippiens 2:8

Amamana pitsi yedi te andé amaasugédani. Amagobeda Téta ngu na ôwa. Amawa ôwa ôdagani ava gésumu.

II Timothée 2:13

Buéyé mbe we te oma agébé na mavôma Angô te Kumu amavôma. Gôébégô angô asangoongôa épenganéda mônongoe wedi.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.