Marc 14:20 - New Testament in Mitsogo

²⁰ Jésus amaabéa ahngô mbe: Va gatse anye nzima n’abaé te ône awanyéa n’ami gôétsuéta môpemba gépede gévo.

Marc 14:20 ပူးပေါင်းရင်းမြစ်များ

Matthieu 26:23

Jésus amaabéa ahngô mbe: One awanyéa n’ami gôétsuéta môpembee gépede gévo, te ône angakaba me.

Matthieu 26:47

Vamaba Jésus agévovoko, Judas amabuéa. Judas amabaka g’ôtangô anzima n’aneengie abaé. Ahmaviga na géômbé gévôni gématsua ékeeyi te makongo na mabaga na événzô. Ahngô muetso ahmatômu na tsesu yadeekedi adigondoku na peeye yAjuif.

Marc 14:19

Mitéma mianeengie mimadita. Ameevôa Jésus môvo môvo mbe: ?Kumu, te me‐a?

Marc 14:21

Na gô pie, me Muana Amôma nangawa mônogovo gamabeenda Matendeo MaNzambé mbe nangawa. Ivô ngeba épôni gô maguga mangeena ône angamôkabani. Mbe amabaka madeo asibôtu mbe émanyepa.

Marc 14:43

Vamaba Jésus madeo asisutuméda ta na ôgie, Judas amabuéa. Judas amabaka g’ôtangô anzima n’aneengie abaé. Ahmaviga na géômbé gévôni gématsua ékeeyi, te makongo na mabaga na événzô. Ahngô muetso ahmatômu na tsesu yadeekedi adigondoku, n’anigôi amige miaNzambé, na peeye yAjuif.

LUC TSANGO EAMOSOBA EMATENDA 22:47

Vamabangô agévovoko, géômbége gémaviga. One atetu mbe Judas, môvo va gatse anzima n’abaé amakea va mbene agéômbége. Amawesea na gôndé Jésus gôésambanéa n’edi.

Jean 13:26

Jésus amanigôa mbe: Nangatsuéta gébéndéké samôpemba gô mabunza. One angeetsô sangô, môkabine te angô. Jésus amabukua gébéndékége samôpemba na amagétsuéta gô mabunza. Ameetsa sangô Judas, muana aSimon Iscariote.

Jean 6:71

Amavovo nane gôébégô éaJudas, muana aSimon Iscariote. Gôébégô Judas, buéyé gamabakangô gô géômbé saneengie te ône angakaba Jésus.