33 Nôwema. Bakani géembemba géebogé. Nôsamenya nyee ôngabuéa mabégô mema.
Jésus angô mbe: Bakani misiki. Anye nôsamenya pitsi. Nôsamenya ndéô.
Tambô anye, bakani n’ekena. Namani éevéda anye mabégô mema madeo masibuéa.
Bakani nômakoamani kuanakue gôévengéa me, gôébégô me Muana Amôma nangaviga gô ndéône ésangatasanye.
Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.
Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé.
Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.
Vovoni na Nzambé na môvinéné. Bakani misiké gôéena éne énganôaabéa angô. Kumédani angô gô mane meenanye.
Wemani anyene n’anyene mbe gôsaba môma anika ngima gôénôtôga gô mate maNzambé. Wemani kabaga va gatse anyô gôba môma agono na mabunza mandôé makandani na mabévéda oma ayekani na môyobo. Pigaga gô môtéma amôma te môyobo.
Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.
Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.
Angô mbe: Oôkôni édué. Me naviga gaviga muisui na waada. Gényônga gôndé ône adenganô andé môsiki gébé gô vio na akenea môkandee wedi. Asangakea mônyenge va gatse akedi na asangeena tsoyi.
Gô vipesu viamonyo visanéa n’anye gôéwa, sipédani viangô kabaga nôsuméa mangôga. Timôgani. Me neena mbe mane meendanye masaba kuanakue va mbene aNzambé.