Marc 10:47 - New Testament in Mitsogo

⁴⁷ Vamookô Bartimée mbe ône ootini te Jésus môsi Nazareth, amamôbambéa mbe: Ewe Jésus, Muana aDavid eena me ngeba.

Marc 10:47 ပူးပေါင်းရင်းမြစ်များ

Matthieu 1:1

Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

Matthieu 12:23

Géômbége setso gémasôbasôbana na gémeevôana anguene mbe: ?Odôô ka te Muana aDavid‐ma?

Matthieu 15:22

Gômabaka môgeto, môsi Canaan amadigaa g’ôgenda gô tsenge nene. Môgeto nône amaviga na gôndé Jésus gôémôgondo mbe: Môékédi, éwe Muana aDavid, eena me ngeba. Muanami amôgeto asaba buedi, andé na gédidi gébévani.

Matthieu 2:23

Amadigaa wangô gô mbôka étetu mbe Nazareth. Va mbeego môpandôédi amatasa maNzambé amabeenda mbe: Angatetuku mbe môsi Nazareth.

Matthieu 20:30

Asi pogu abaé amadigaa va kôbangô anzéa amookô mbe Jésus te angô ootani ône. Vane angô abaé amaadôngana mbe: Kumu, éwe Muana aDavid, eena we ngeba.

Matthieu 21:11

Avo amaabéa akaô mbe: One te môsi Nazareth, inedi Jésus. Angô te môpandôédi amatasa maNzambé.

Matthieu 21:9

Ane amakiaka va mbene aJésus na ane amaviga va ngima edi amaadôngana na gényônga mbe: Tôkumédéni Muana aDavid. Te mbe mate maNzambé mabaké gôndé ône avigi gô ina aKumu. Tôkumédéni Nzambé n’asi g’ôba muetso.

Matthieu 26:71

Vane Pierre amanôtôga vamabakangô amakea na v’ombaa amôgômba. Môvo môyanzi amamôena na amanigôa ane amabaka vangô mbe: Odôô amabaka na Jésus, môsi Nazareth.

Matthieu 9:27

Jésus amanôtôga wangô gôékea na gô nyene tungu. Gômakeangô asi pogu abaé amaanda angô va ngima na amaadôngana mbe: Ewe, Muana aDavid eena we ngeba.

Marc 1:24

?Jésus môsi Nazareth ôbé nayee n’asô? ?Omaviga gôédimbanéda we‐a? Me tsabômu mbe éwe te Muana Amatsimamani ômakudégu na Nzambé.

LUC TSANGO EAMOSOBA EMATENDA 4:16

Jésus amabuéa na gô Nazareth, te mbôkane émoongôgangô. Gô nyee edunda ameengéa na gô eba agéwanyéô gamabaka gésima sedi. Amatema gôétanga Matendeo MaNzambé.

Jean 1:46

Nathanaël amatsuma paga mbe: Ti gô vimbôkavie viaNazareth vine. ?Gôngeenanô ébégô éamôsôba-a? Philippe amamôénda mbe: Viga, ôviena.

Jean 19:19

Pilate ameetsa môtôma mbe: Tendani saté sokadô mbe, Oô te Jésus môsi Nazareth môtômine aAjuif. Vumbani angô va ngongo agésumuge.

Jean 7:41

Avo dôta amamôneegeda mbe: Odôô te Christ, ône amasevou na Nzambé. N’avo amatsuma paga mbe: Aé, kaka nane. ?Christ angaviga te gô Galilée-a?

Jean 7:52

Akedi amamôdeta mbe: ?Tambô n’ewe muetso to môsi Galilée-a? Tangaka Matendeo MaNzambé. Ongeena mbe ta na môpandôédi môvo amatasa maNzambé amaviga gô Galilée.

Mayanzame 6:14

Tômookô angô amavovo mbe: One eendô mbe Jésus môsi Nazareth, angapanzéda eba aNzambé na angakoa mônongoe ôndé n’asô n’anyô ômatôtsikéô na Moïse.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.