Marc 10:17 - New Testament in Mitsogo

¹⁷ Vamaba Jésus aka gô keaga gô nzéa, mômôgôô amaviga pita na gôndé angô. Amasiba mabongome va mbene aJésus. Angô mbe: Ewe môékédi ôndé ti môékédi amôsoba, aabéa me. ?Gôéba na monyo amôbô na môbô nangeenda nayee?

Marc 10:17 ပူးပေါင်းရင်းမြစ်များ

Matthieu 17:14

Jésus n’aneengie amatsiga vandé géômbége. Mômôgôô môvo amaviga gôésiba mabongo medi va mbene aJésus.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 28:8

Agetoe amayavôga énôtôga va ngiine. Amookô gomo. Ivô gô gomoe waô amatsôkéa na amakea pita gôétsua tsangône na gôndé aneengie aJésus.

Marc 1:40

Môsi ébeea éagega amaviga na gôndé Jésus. Amasiba mabongo medi va mbene aJésus na amamôgondo mbe: Kokooye éwe, ôkô mbe ônyôngéô, ôsadagéô édôngéda me.

Marc 10:18

Jésus amamônikéda mbe: ?Oteta me mbe môma amôsoba nayee? Gôsaba môma amôsôba buétsé te Nzambé amuene.

Marc 12:14

Ahmaviga na gôndé Jésus. Ahngô mbe: Môékédi, tôsabômu mbe éwe ôvovo te mane mapie matévo. Gô meekédu moo ôsaba n’onzenze gôndé môma. Ahnyôngéôyee mangô vo ahsanyôngéôyee mangô, ébégôe te éanguene. Osatatôa oma. Avoni na ageage ôsabono gô éne. Oékéda môdigédi apie ônyôngéô Nzambé. Beenda we gô mitôma mimatsikéô we ?we tôvanéa César, môtômi atsenge depune vo tôsavana?

Marc 9:25

Jésus ameena oma ayekani ahviga pita na gôndé angô. Vane amakangéa gédidi gébévani mbe: Gédidi, éwe ôsasinga muanee gôévovo na gôéôkô, me nagôtôma mbe: Kusa gôndé muanee ôdôô. Ombianikea éengéa na gôndé angô.

LUC TSANGO EAMOSOBA EMATENDA 10:25

Gévovi amatema gôébambéa Jésus nyivô gôémôkanéga. Angô mbe: ?Môékédi, gôédiia monyo amôbô na môbô nangeenda nayee?

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Mayanzame 16:30

Amakuséda ahngô gô tsongone émabakahngô. Ameevôa ahngô mbe: Amôgôô n’ami ?Gôédiia géobogeo neenda nayee?

Mayanzame 2:37

Vamookô géômbége meekédume mane, amakuadima. Na ameevôa Pierre n’akedi amasevouni na amatômukuni mbe: ?Ana aTéta tôénda nayee?

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Mayanzame 9:6

Timôgaka. Tsigaka na gô môsenge. Gône ôngakebeendu éne éngeendewe.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Ephésiens 1:18

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.

Tite 3:7

Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

I Pierre 1:4

Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.

I Jean 2:25

Nôeni éne émavanga Christ gôétôétsa te monyo amôbô na môbô.