LUC TSANGO EAMOSOBA EMATENDA 9:48 - New Testament in Mitsogo

⁴⁸ Jésus amanigôa aneengie mbe: One agobeda viana gandé évi gô inami, agobedi te na me. Na ône agobedi me eembe agobedi te na ône amatôma me. Menyani mbe va gatse anyô, ône ootéa éasugéda amuene, pene te angô.

LUC TSANGO EAMOSOBA EMATENDA 9:48 ပူးပေါင်းရင်းမြစ်များ

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:14

Gôndé Tétasô n’anyô g’ôba éndé te mônongovo. Asanyôngéô ta na muanéngé môvo adimbana.

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 25:45

Kumu amaabéa ahngô mbe: Nanôbeenda na gô pie mbe kuka yetso disiwedéé anye anami, béyé mbe viana vigevige, anye nôsiwedéa te na me.

Marc 9:37

One agobeda viana gandé éevi gô inami, agobedi na me. Na ône agobedi me eembe agobedi te na ône amakudéga me.

LUC TSANGO EAMOSOBA EMATENDA 10:16

Jésus amavovo n’aneengie edi mbe: One ookéô anye, ookéô te na me. One akina anye, akina te na me. Na ône akina me, akina te na ône amatôma me.

LUC TSANGO EAMOSOBA EMATENDA 14:11

Endé te nane. One aabatéda amuene, angasugédu. Na ône aasugéda amuene angabatédu.

LUC TSANGO EAMOSOBA EMATENDA 22:26

Esanyepa nane va gatse anyô. One anyôngéô éba pene va gatse anyô abaké ga môdimi anyô, na môtômi abaké môyanzi.

LUC TSANGO EAMOSOBA EMATENDA 22:30

Gômbe nôngaa na nônganyua va tabudé éami g’ôkumu ami. N’anye nôngadigaa gô édigaa éokumaka gôétsundéda nzima na mabôta mabaé maIsraël.

LUC TSANGO EAMOSOBA EMATENDA 7:28

Jésus amanigôa mbe: Va gatse amuetso amabôtuni gôsaba môma ootéa môvôni ga Jean-Baptiste. Eébéyée nane, ône eendô mbe môma abobo g’ôkumu aNzambé angô ootéa môvôni na Jean-Baptiste.

Jean 13:20

Me nanôbeenda na gô pie mbe ône avamba na mômane amatômu na me, avamba te na me namamôtômani. One avamba na me, avamba dôta na môtômine wami.

Jean 14:21

Okô môma atanganéda mane mamatôma me, na amagobeda, vane namenya mbe môma nône anyôngéô me na avamba n’ami. Vanyôngéô angô me, anganyônganéô dôta na Téta. Na me nangamônyôngéô te mônongovo. Na nangatsutsuga te gôndé angô.

1 Thessaloniciens 4:8

T’ebandô ône akina ndongi yedi asakina ôgi amôma, akina te ôgi aNzambé ône ameetsa we Gédidi sedi.

I Pierre 5:6

Sugéani anyene gô tsina otômu aNzambé andé n’ogogo angudi. Nzambé anganôsangéga gô géyénza gésabômu amuene.

Gétsutsuéô 21:14

Môgômbee amôsengee ône ômadigédu gô ngongo obôgee ômasaaô na nzima adibobo na dibobo dibaé. Gô yangô gômatendu nzima amina na mina mabaé maane amasevouni na amatômukuni n’amuene Môpaga Endombo.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.