29 Vamabakangô gôévovo na Nzambé, gédimô sedi gémakoga na ngeengeyi. Maduani medi dôta mamakoga n’obébayi ga géeno.
Otô aJésus ômakoga va miso maô. Gédimô sedi gémaba na ngeengeyi ga kômbé géôngôé ébono sangô. Maduani medi mamakoga moobébayi ga géeno.
Va mbene éne Jésus amatsutsuga wene mônongo gôndé avo abaé ahmakea gô nzéa na gô madeke.
Jean amabatésa muetso amadenganôni. Na Jésus muetso, amabatésu n’edi. Vamabakangô gôévovo na Nzambé, ôbee ômakukuga.
Ivô Jésus amanôtôga vandé ahngô. Amakea na gô tunguye disidenganô oma, mbe avovo na Nzambé.
Gô ndéô nene, Jésus amabata gô ngongo amôkôdi gôévovo na Nzambé. Pitsi amôbongo asiebogé vio, amavovo na Nzambé.
Nyovo vamabaka Jésus gôévovo na Nzambé, aneengie amaviga na vandé angô. Jésus ameevôa ahngô mbe: ?Gô matasa moma me nandé nayee?
Tsina na tsina gômatsiga oma abaé amanigôana na Jésus. Te Moïse na Elie.
Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.
Muetso ane amadenganô gô eba amisoso amabono Etienne na nzôô. Ameena gédimô sedi gémaba na ngéengéyi ga géne samôsi g’ôba, môyanzi aNzambé.
Vane nameena gédigaa gévôni savembo sokumaka, na ône andé digaa gô sangô. Tsinane na ôbee émanôtôga va miso medi na ésiombédô éenanô.