LUC TSANGO EAMOSOBA EMATENDA 9:20 - New Testament in Mitsogo

²⁰ Jésus ameevôa ahngô mbe: ?N’anye, gô matasa manyô, me ndaa-vo? Pierre amamôaabéa mbe: Ewe te Christ, ône amatômu na Nzambé.

LUC TSANGO EAMOSOBA EMATENDA 9:20 ပူးပေါင်းရင်းမြစ်များ

Matthieu 22:42

Gôébégô éaChrist, ône angatômu na Nzambé ?anye nôtasa nayee? ?Angô vita muana andaa? Apharisien amaabéa mbe: Angô te muana aDavid.

Matthieu 26:63

Jésus asibubué. Asisiié ta n’ogi. Pene amoomba évovo n’edi mbe: Gô ina aNzambé amonyo, nagôévôa mbe ti éwe ôaabéa me. ?Ewe te Christ ône amatômu na Nzambé‐a? ?Ewe te Muana ANzambé‐a?

Matthieu 5:47

Okô anye nôkômbôa te kinde yanyô atévo ?éne te mbe anye nôénda te ébégô éamôsôba‐a? Ane asavamba na Nzambé ?aseenda te nane‐a?

Marc 14:61

Jésus asibubué. Asisiié ta n’evo. Pene amoomba émôbambéa mbe: ?Ewe te Christ‐a? Nzambé, ône aneegeduni ?éwe te muanedi‐a?

Marc 8:29

Jésus ameevôa ahngô mbe: ?Gatasanye, me nda‐vo? Pierre amamôaabéa mbe: Ewe te Christ, ômatômu na Nzambé.

LUC TSANGO EAMOSOBA EMATENDA 22:67

Ahngô mbe: Okô mbe ôndé Christ, ône amasevôu na Nzambé beenda we mbe: Me te Christ. Jésus amaabéa ahngô mbe: Okô nanôbeenda mbe me te Christ, anye nôngatsuma te paga.

LUC TSANGO EAMOSOBA EMATENDA 9:19

Ahmamôaabéa mbe: Avo ahmenya mbe éwe te Jean-Baptiste. Avo dôta ahmenya mbe éwe te Elie. N’avo mbe éwe te môvo va gatse apandôédi ambeego amatasa maNzambé akundugi g’ôwa.

Jean 1:41

André amapanga éwanya na muanayeedi Simon na amamônigôa mbe: Tôéni Messie. (Vamavovo angô g’ôgi aHebreu mbe: Messie, g’ôgi aGrec te Christ, ône amasevou na Nzambé.)

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 11:27

Marthe amaabéa mbe: Ii, Kumu nookiô. Me tsatsuma éwe paga. Ewe te Christ, ône eenéôkô n’oma muetso mbe angaviga na gô tsengene. Ewe te Muana ANzambé.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 4:29

Vigani, nôviena mômane adengi me. Amapandôéda me metso meenda me. Mavooe te ône avéngéôni, ône eendô mbe Christ.

Jean 4:42

Ahmavovo na môgeto nône mbe: Oeni we égô, tôétsi mitémamie, kaka gô mane mavovi éwe matévo, ivô te gô mane mookiô wéene. Tônigôéyiô na gô pie mbe angô te Mooboyi oma muetso.

Jean 7:41

Avo dôta amamôneegeda mbe: Odôô te Christ, ône amasevou na Nzambé. N’avo amatsuma paga mbe: Aé, kaka nane. ?Christ angaviga te gô Galilée-a?

Mayanzame 17:3

Amapandôéda akedi na vede mbe, Matendeo MaNzambé matônigôa mbe Christ, ône amasevou na Nzambé angeena maguga na angakunduu g’ôwa gôéba na monyo. Na amoomba mbe: Jésus ône anônigôa me, te angô Christ amasevou na Nzambé.

Mayanzame 8:36

Vamakeahngô anigôana gô nzéa ahmabuéa va mebame. Môsi Ethiopie amatubéda Philippe mbe: ?Oeni gévondoge? ?Ene édékéda me gôéétsô bateme éndé? [

Mayanzame 9:22

Vane ngudi dimabaka na Saul gôéékéda dimakôndama ti kôndama. Ajuif amadenganô gô Damas asibédô na ngudi yetsuma ébégôe paga vamanigôa angô mbe: Jésus te Christ, ône amatômu na Nzambé.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.