LUC TSANGO EAMOSOBA EMATENDA 8:8 - New Testament in Mitsogo

⁸ Mivo mibie mimaaga gô toto éamôsôba. Mimakanda na mimabôta ga kaka miagétabé. Vamamana Jésus égunya tsavane, angô mbe: Anye nôndé na matô gôéôkô, ka te nôôkôkô-ma.

LUC TSANGO EAMOSOBA EMATENDA 8:8 ပူးပေါင်းရင်းမြစ်များ

Matthieu 11:15

One andé na matô ka te ookôkô‐ma.

Matthieu 13:23

Avo ahgono na totone éamôsôba. Te ahngô amookô Mabégô NaNzambé na anigôgéô mangô, makuséda ésima éamisôba. Môvo môma te môkama, môvo nzima môtôba, na môvo te nzima ditatô.

Marc 4:20

Avo ahgono na toto éamôsôba. Te ahngô ahmookô Mabégô MaNzambé na ahkenea mangô, makuséda ésima éamisôba gô mitéma miaô. Môvo nzima ditatô. Môvo nzima môtôba. Môvo môkama.

Marc 4:23

Okô mbe gôndé môma na matô gôéôkô, ka te ookôkô‐ma.

Marc 4:8

Mivo mibie mimaaga gô toto éamôsôba. Mimakanda na mimoongôga. Mimabôta, gévo géétété te nzima ditatô. Gévo te nzima môtôba. Gévo dôta kama na kama.

Marc 7:16

Okô mbe gôndé môma na matô gôéôkô, ka te ookôkô‐ma.]

LUC TSANGO EAMOSOBA EMATENDA 14:35

Viangô visaba na tsoongo, buéyé gôényepeda totone, vo gôékandéda mbôtône visanyepa. Vingagunyu te gunyugu. Okô mbe anye nôndé na matô, ka te nôôkôkôma.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

LUC TSANGO EAMOSOBA EMATENDA 8:7

Mivo mibie mimaaga va tungu éakavanga. Na kavangaye na mbôtône émakanda géômbé. Kavangaye dimapika mbôtône na dimasinégéda yangô. Mbôtône émawa.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Gétsutsuéô 13:9

Oôkôni na vede édué. Okô mbe nôndé na matô gôéôkô ka te nôôkôkô, ma.

Gétsutsuéô 2:11

Okô mbe anye nôndé na matô, ôôkôni môma na môma mane mavovo Gédidi SaNzambé na anye, asi mbumu éaNzambé. Angô mbe: Ane adiiani gô ébadi égenyuni asangawa ôwa amôbaé.

Gétsutsuéô 2:7

Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 3:13

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:6

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.