50 Ivô Jésus n’eôkô nane, amavovo na Jaïrus mbe: Onakebangana. Okô ôsitsuma ngudi yami paga, muanee angadônga.
Ivô Jésus asiôkéô éne émavovo angô. Amavovo na Jaïrus mbe: Ombiookô mangongo. Suméda môtémoo gétsumé me paga.
Jésus angô mbe: ?Nayee ôénda mbe: Okô mbe ôngoongôa? Gôndé ône eetsa môtémedi westo éngeendégégéa.
Jésus amavovo n’edi mbe: Muanami, ôdôngédiô te gôsitsumé éwe ngudi yami paga. Kiaka na gétabé.
Vamabuéangô gô eba, Jésus asisingé ene goéengéa n’edi, buétsé te Pierre na Jean na Jacques, na tétene n’eyeene éamuanee.
Jésus amamôpandôéda mbe: Me te gékundugéô sanyô. Me te monyoe wanyô. One eetsa me môtémedi wetso angaba na monyo buéyé mbe awéyi.
Jésus amavovo n’edi mbe: Me tsigômanaka égôbeenda mbe ?ôkô ôsitsuma ngudi yami paga ôngeena ôndômba aNzambé ôsutuméa?
Matendeo MaNzambé matônigôa te nane. Nzambé amavovo mbe: Gô ngudi yami, éwe Abraham te tétene oma ayekani. Abraham te tétasô va mbene aNzambé, ône ameetsangô môtémedi. Nzambé nene te éne ékundua ane amawani na atubéda éne ésienanôni mbe éenanô.
Gô éne émavanga Nzambé n’edi, môténdédedi ôsiniké ngima ivô ômakôndama te kôndama na amakuméda Nzambé.