LUC TSANGO EAMOSOBA EMATENDA 8:35 - New Testament in Mitsogo

³⁵ Oma ahmaviga gôéena éne émabuéani. Ahmatsiga na vandé Jésus. Ahmeena mômôgôô akusédiô édidi ébévani andé digaa va makôdô maJésus. Amaata maduani medi, na môtémedidô ômaba ômadigaaganani. Oma muetso amookô gomo.

LUC TSANGO EAMOSOBA EMATENDA 8:35 ပူးပေါင်းရင်းမြစ်များ

Matthieu 4:24

Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Marc 5:15

Ahmatsiga na vandé Jésus. Ahmeena mômôgôô akusédiô édidi ébévani andé digaa. Amaata maduani medi. Na môtémedidô ômasumani. Oma muetso amookô gomo.

LUC TSANGO EAMOSOBA EMATENDA 10:39

Môdimine aMarthe inedi te Marie, amadigaa va makôdô maJésus gôéôkô mane mameekédangô.

LUC TSANGO EAMOSOBA EMATENDA 15:17

Na amatanganéda amuene mbe: Gô eba atéta, buéyé ayanzie wedi angutédu na môyakô ôyekani géé me égô nawaka na nzaane.

LUC TSANGO EAMOSOBA EMATENDA 2:46

Pitsine éamôtatô amamôdenga andé digaa gô eba aNzambé. Amabaka va gatse anigôi amige miaNzambé, gôéôkô gasupuangô na gôéévôa ahngô nyivôye.

LUC TSANGO EAMOSOBA EMATENDA 8:27

Vamasutuméa Jésus gô mbôngône, môma môvo, kumu ambôka amaviga gôémôena. Mômôgôô nône amabaka n’edidi ébévani. Bandôa mbeego asiaatéké môkanda na asidigéé gô eba ivô amadigaaka te gô pesi.

LUC TSANGO EAMOSOBA EMATENDA 8:34

Vameena akeneyie anguduye éne émabuéani, ahmayavôga ékea gôébeenda oma gô mbôka na gô mitsaba mbe: Nguduye digudi.

Mayanzame 22:3

Me te Môjuif. Namabôtu gô Tarse gô tsenge ééndô mbe Cilicie. Ivô mbôkami émoongôga me te égô duégô gô Jérusalem. Môékédine wami te Gamaliel. Ameekéda me mabégô metso mamatsikéô we na peeye yasô n’anyô. Ene ééndanye deo noo gôéyanzéa Nzambé na ngudi yanyô yetso te éne émeendaka me.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.