LUC TSANGO EAMOSOBA EMATENDA 8:13 - New Testament in Mitsogo

¹³ Mibiemie miagô mataé te gandé oma ookô meekédume na ahsinga mangô na gényônga. Na mabégô masasipa gô mitéma miaô. Ahkenea mabégôme te pesu andéô. Nyaa apanda ôkanégu angô ahtsika mangô na ahnika na gô ngima.

LUC TSANGO EAMOSOBA EMATENDA 8:13 ပူးပေါင်းရင်းမြစ်များ

Marc 6:20

Hérode ameena Jean édita. Asibômu mbe Jean te môma amatsimamani aNzambé. Ameebakanéda angô. Hérode amanyôngéô éôkô mane mameekéda Jean buéyé mbe gameesédu angô na môtémedi gô meekédu maJean.

LUC TSANGO EAMOSOBA EMATENDA 8:12

Mine mimaaga gô nzéa te gandé oma ookôni. Ivô yabédé aviga gôéwata gô mitéma miaô éne éôkiô ahngô kabaga anigôgéô na kabaga ahdiia monyo.

LUC TSANGO EAMOSOBA EMATENDA 8:14

Mine mimaaga va tungu éakavanga, te gandé oma ookô Mabégô MaNzambé na vadigaahngô mamapikaméô na matasa matsengene na ônzôô okitie, na gényônga satsengene. Gôndé ahngô Mabégô MaNzambé masaba na ngudi mbe ahngadiia ésima éamisôba.

Jean 15:2

Mitabémie mietso miami mine misabôta miônda, Kumu amiwanga. Na mitabémie mietso mibôta miônda akeeda miangô gômbe mingabôta miônda ga kaka miagétabé.

Jean 15:6

Okô môma asaba môvo n’ami angagunyu gô mbadi mônongovo gamôtabé ômapakôuni. Môtabée ône ôngagasa. Oma adingôa mitabé migaséduni na amigunya gô soto gôémiyôéda.

Jean 5:35

Jean amagono na dambi ématumbuni na étanani. Anye nômasinga étsôkéa gévedege sedi gô pesu andéô.

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

I Corinthiens 15:2

Nôobou gô ngudi yaTsangône Eamôsôba édué ôkô nôsipi gô yangô gamanôékéda me. Okô nôsisipa nômeetsa mitémamie te bobo.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

Galatie 3:4

Metso mane mamisôba mamookô anye gô mitéma mianyô na mameendéô anye na Nzambé ?te mabobo‐a? Aé, kaka mabobo.

Ephésiens 3:17

Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

Colosses 2:7

Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.

1 Thessaloniciens 3:5

T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

Hébreux 10:39

Wa n’anyô tôsaba gô géômbé sane anika ngima gôékea gôédimbana. Wa n’anyô tôndéké gôéténdéda. Nzambé gébé na paga na tôndéké gô nzéa éagéobogeo.

Jacques 2:26

Te mônongovo gandé ôtô mbe ôsaba na modi ôsangadônga. Na môma eetsa Nzambé môtémedi ivô aseenda éne ényôngéô Nzambé, asadônga.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

II Pierre 2:22

Ene éndé gôndé ahngô, te éne égunyu gô tsava mbe: Ene éogi inzua anika éaa éangô. Na, ngudu éôvôuni émanika gôépatsaméa gô gétékétéké.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.

Jude 1:12

Vadigaahngô n’anyô gôéaa môambô ôaa asi mbumu éaNzambé andé gôéenza môambôe wanyô na mônongoe waô agéyuka gébévani. Aseena tsoyi gô mônongoe waô. Aaka gô môambô n’onzôô ôvôni. Ahndé ga dibôngé ditsuaô n’opunga, disanyogeda mbuua. Ahgono na éétété éamiônda ésabôtani. Buéyé gô ndéône ébôta miônda, éndé te yabi ditévo. Andé ga éétété émayuuni. Mitamba miaô misaba gô toto. Eététée éwa.