LUC TSANGO EAMOSOBA EMATENDA 7:14 - New Testament in Mitsogo

¹⁴ Jésus amawesea gôébanda gô gégaage gémabaka nzumbine. Atsuayie anzumbine amatema. Jésus amavovo mbe: Mônzambu, me nagôénda mbe: Timôga.

LUC TSANGO EAMOSOBA EMATENDA 7:14 ပူးပေါင်းရင်းမြစ်များ

Marc 5:41

Jésus amatsôpa muanee g’ôgogoe na ameenda angô mbe: Talitha Koum. Evéndégéô mbe muana, me nagôénda mbe: Timôga.

LUC TSANGO EAMOSOBA EMATENDA 7:13

Vameena Kumu Jésus nane, amookô môgeto nône ngeba. Amamôénda mbe: Onadéa.

LUC TSANGO EAMOSOBA EMATENDA 7:15

Nzumbine émadigaa na émabandôa évovo. Jésus amamôétsa yeedi.

LUC TSANGO EAMOSOBA EMATENDA 7:17

Tsangô éamane mamayanza Jésus émapaa gô tsengene éaJudée nyetso na gô dipo tsenge dimabambana na Judée.

Jean 11:25

Jésus amamôpandôéda mbe: Me te gékundugéô sanyô. Me te monyoe wanyô. One eetsa me môtémedi wetso angaba na monyo buéyé mbe awéyi.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 5:25

Me nanôbeenda na gô pie mbe: Gô ndéô évigani, na émani ébuéa, ane amawani angookô ôgie aMuana ANzambé. Ane angookôni, angaba na monyo.

Romains 4:17

Matendeo MaNzambé matônigôa te nane. Nzambé amavovo mbe: Gô ngudi yami, éwe Abraham te tétene oma ayekani. Abraham te tétasô va mbene aNzambé, ône ameetsangô môtémedi. Nzambé nene te éne ékundua ane amawani na atubéda éne ésienanôni mbe éenanô.

Ephésiens 5:12

Tôena tsoyi gôévovo mane mayanza omeaa v’esooe.