LUC TSANGO EAMOSOBA EMATENDA 6:27 - New Testament in Mitsogo

²⁷ Jésus angô mbe: Me navovo te n’anye nôôkôni mbe: Nyôngéôni adudeoe wanyô. Indani mamisôba gôndé ane anôduduni.

LUC TSANGO EAMOSOBA EMATENDA 6:27 ပူးပေါင်းရင်းမြစ်များ

Marc 4:24

Jésus amoomba ébeenda ahngô mbe: Keneani mane mookô anye mane. Nôngeetsô te ôkanee ôétsanye, yénôombu ti nôombugu.

LUC TSANGO EAMOSOBA EMATENDA 23:34

Jésus amasambéda mbe: Téta, singéa ahngô kokoo. Ahsamenya éne ééndahngô. Migode mimatséva na nzéké gôésevoa éduani éaJésus énganyôngéô angô.

LUC TSANGO EAMOSOBA EMATENDA 6:22

Ti gô gényônga géndé n’anye vadudanô anye n’oma gôébégô éami, me Muana Amôma. Tsôkéakani ôkô oma anôkina, na anôbuanya, na anôdeta mbe anye oma aJésus nôsanyepa.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

LUC TSANGO EAMOSOBA EMATENDA 8:18

Wemani keneani mane mookiô anye mane. Gôébégô ône andé na sôma te ône angoomba éétsôni. Ivô ône asabani, abéyee na vipesu, vingasuméa te watôgô.

LUC TSANGO EAMOSOBA EMATENDA 8:8

Mivo mibie mimaaga gô toto éamôsôba. Mimakanda na mimabôta ga kaka miagétabé. Vamamana Jésus égunya tsavane, angô mbe: Anye nôndé na matô gôéôkô, ka te nôôkôkô-ma.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 16:28

Ivô Paul amamôena na amamôdékéda n’ogi agô ngongo mbe: Ombiatuma ômuene. We muetso tôanguaa.

Mayanzame 7:60

Amaaga masibabongo. Amaadôngana mbe: Kumu ami, gô ébégô édué ébévani éénda adua, ômbiétsa ahngô ôési. Vamamanangô évovo nane, amawa.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

1 Thessaloniciens 5:15

Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.