LUC TSANGO EAMOSOBA EMATENDA 5:32 - New Testament in Mitsogo

³² Me tsiviga gôébambéa ane anyepani. Navigi gôébambéa abévie mbe ahkoa mitéma miaô.

LUC TSANGO EAMOSOBA EMATENDA 5:32 ပူးပေါင်းရင်းမြစ်များ

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 9:13

Kiakani nôkeékédu éne étôtanga gô Matendeo MaNzambé mbe: Me nanyôngéô te asi ngeba. Tsabuta ane eetsa digondoku yanyama. Me Jésus tsiviga gôébambéa ane anyepani, ivô namaviga gôébambéa abévie gôékoa mitéma miaô.

Marc 15:10

Gôébégô Pilate asibômu mbe tsesu yadeekedi adigondoku ameetsa angô Jésus gô ngusune yaô.

Marc 15:7

Gômabaka môma môvo, inedi Barabbas. Ameengedu gô eba atsôgôô gômakinangô ôtômu amôtômine atsenge na gômayôhangô môma.

Marc 2:17

Vamookô Jésus ahvovo nane, amaabéa mbe: Ane ahsabeeani ahsookô tsôvé éamôbôgani. Te abeeyi amôôkô tsôvé. Me tsivigé gôébambéa ane anyepani ivô namaviga gôébambéa abévie gôékoa mitéma miaô.

LUC TSANGO EAMOSOBA EMATENDA 15:10

Jésus amatimbôanéda mbe: Nanôbeenda mbe asi g’ôba ayanzie aNzambé atsôkéa ti tsôkéa gôndé môma môbévani, buéyé mbe môvo akoa môtémedi gôéba wene mônongo.

LUC TSANGO EAMOSOBA EMATENDA 15:7

Jésus amatimbôanéda mbe: Te mônongovo gandé g’ôba gôndé Nzambé. ?Na môma môvo akoa môtémedi, na nzima ditenadinayi n’oma atenanayi asikoe mitéma miaô, ône amatsôkéôni indaa?

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

LUC TSANGO EAMOSOBA EMATENDA 5:31

Jésus amaabéa ahngô gô tsava mbe: Ane ahsabeeani ahsookô tsôvé éamôbôgani, te abeeyi ookô môbôgani tsôvé.

LUC TSANGO EAMOSOBA EMATENDA 5:33

Avo oma amavovo na Jésus mbe: Aneengi aJean akina môyakô kuka yetso gôévovo na Nzambé. Na aneengie aApharisien te mônongovo. Géé aneengie woo aa na anyua gékiné.

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

Mayanzame 3:19

Tambô koani mitéma mianyô gôéba wene mônongo oma. Géngôgani na gôndé Nzambé mbe anônôtôa ébévee éanyô.

Mayanzame 3:26

T’ebandô Nzambé amakudéga môyanzi edi, mapangame te gôndé anye. Amakudégéa angô na gôndé anye te mbe vangaviianye ngima mabégô manyô mabévani, anganôétsa mate.

Mayanzame 5:31

Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.