LUC TSANGO EAMOSOBA EMATENDA 5:24 - New Testament in Mitsogo

²⁴ Ivô nanyôngéô étubéda anye mbe me Muana Amôma nandé n’enyanga gô tsina éva gôésingéa oma kokoo gô ébévee éaô. Vane Jésus amavovo na môbeene mbe: Me natôma éwe mbe: Timôga, bongo gétava soo. Kiaka na gô eboo.

LUC TSANGO EAMOSOBA EMATENDA 5:24 ပူးပေါင်းရင်းမြစ်များ

Matthieu 16:13

Jésus amakea na gô tsenge édenganô mbôka étetu mbe Césarée na étômu na Philippe. Ameevôa aneengie nyivô mbe: ?Gô matasa moma, gôndé me Muana Amôma atasa nayee?

Matthieu 25:31

Vangaviga Jésus Muana Amôma n’obébayi ondômbedi aviga n’asi gôba ayanzi aNzambé muetso, Muana Amôma angadigaa gô gédigaa sedi sokumaka.

Matthieu 26:64

Jésus amamôaabéa mbe: Te gavovi éwe. Na me nanôpandôéda mbe bandôa deo noo, nôngeena Muana Amôma digaa gô géeyo gémôgôô saNzambé Kumu angudi yetso. Nôngeena dôta Muana Amôma aviga va gatse adibôngé yag’ôba.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Matthieu 4:24

Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Matthieu 9:6

Ivô nanyôngéô étubéda anye mbe me, Muana Amôma nandé n’enyanga va tsina gôésinga oma kokoo gô ébévee éaô. Vane Jésus amatôma môbeene mbe: Timôga. Bongo gétava soo. Kiaka na gô eboo.

LUC TSANGO EAMOSOBA EMATENDA 5:13

Jésus amakonyo ôgogo edi na amamôbanda. Amamôaabéa mbe: Nanyôngéô égôdôngéda. Odôngi. Tsina na tsina ébeea éedi éagega émadônga.

LUC TSANGO EAMOSOBA EMATENDA 5:18

Avo oma ahmaviga atsua gô gékaka gékonzo gémakata éeyo. Amanyôngéô éengéa n’edi na gô eba gôémôsuméda va mbene aJésus.

LUC TSANGO EAMOSOBA EMATENDA 5:23

?Gô mabégô mema mabaé, éne ésadaga évovoni yeeni? Okô neenda mbe: Ebévee éoo ésingéyiô kokoo, vo neenda mbe: Timôga kiaka na makôdô moo.

LUC TSANGO EAMOSOBA EMATENDA 7:14

Jésus amawesea gôébanda gô gégaage gémabaka nzumbine. Atsuayie anzumbine amatema. Jésus amavovo mbe: Mônzambu, me nagôénda mbe: Timôga.

LUC TSANGO EAMOSOBA EMATENDA 8:54

Ivô Jésus amamôtsôpa g’ôgogo na amavovo na gô ngongo mbe: Muana, timôga.

Jean 11:43

Vamamanangô évovo nane amaadôngana mbe: Lazare, kusa gône.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 3:13

Gôsaba môma amabata na g’ôba, buétsé te amuene Muana Amôma, ône amasuma g’ôba.

Jean 5:27

Téta ameetsa Muanee ényanga gôétsundéda oma gôébégô angô te Muana Amôma.

Mayanzame 14:10

Amamôtôma n’ogi akangégangé mbe: Ewe, timôga. Tema môtie na makôdôme moo. Mômôgôô nône amatimôga matséda. Amakea amuene.

Mayanzame 5:31

Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.

Mayanzame 9:34

Pierre amavovo n’edi mbe: Enée, menya mbe Jésus-Christ agôdôngédi. Timôgaka. Kônzaka ékokoe ébaki éwe. Tsina na tsina Enée amatimôga.

Mayanzame 9:40

Pierre amapatsa oma muetso mbe: Kusani. Amasiba mabongo medi gôévovo na Nzambé. Amagéngôga gôébono nzumbine na amamôénda mbe: Tabitha, timôgaka. Môgetone amapôa misome. Vameenangô Pierre, amadigaa.

Gétsutsuéô 1:13

Va gatse éangô vamabaka sôma môtie géndé ga môma. Gémaata ngoyi étongoni ngu na gô makôdô. Va mbôma gémaata nyamba madede édata éadodo.