43 Ivô Jésus amanigôa ahngô mbe: Tsikani me nakea dôta na gô mivo misenge gôéékéda Tsangô Eamôsôba éokumu aNzambé. Me namatômu na Nzambé te gô éne.
Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.
N’ongôngôe wetso, gôgébaka na vimavima, Jésus amatimôga. Amakusa. Amakea na gô tungu ésaba oma gôévovo na Nzambé.
Jésus amoomba ékôndéga ahngô mate mbe: Gétabé gébaké gôndé anye. Vane amatôma ahngô mbe: Gamatômu me na Téta, me dôta nanôtôma mbe: Kiakani.
Vagébaka nyee tôyanzéké mane manyôngéô ône amatôma me. Nyee ôédie, môma asoongôa éyanza gô évitsi.
Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.
Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.