LUC TSANGO EAMOSOBA EMATENDA 3:11 - New Testament in Mitsogo

¹¹ Amaabéa ahngô mbe: One andé na ngoyi dibaé, akea akeétsa épo ône asabani. One andé na môyakô, akabéé.

LUC TSANGO EAMOSOBA EMATENDA 3:11 ပူးပေါင်းရင်းမြစ်များ

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

LUC TSANGO EAMOSOBA EMATENDA 11:41

Ene ésuéga anye gô ébungue éanyô na gô épedee éanyô, kabakani éangô na misuga, na vane éetso éngaba te émagôgéani gôndé anye.

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

LUC TSANGO EAMOSOBA EMATENDA 19:8

Zachée amatema gôévovo na Jésus mbe: Kumu ôôkôyee. Okitie wami wetso, nangatatôa angô va gatse. Ovô ôkabô nangôôkabanéa na misuga. Okô nabongi dode yamôma isuaga dodepo, nangeeséda memuene, nangamônikédéa dode dinayi.

Jean 13:29

Amamenya mbe Jésus amatôma Judas, môkenene adode mbe: Kiaka ôkésômba éne ébuta we éaa gô suetine. Avo dôta amamenya mbe atômi Judas, môkenene adode mbe: Kabé misuga yangô.)

Mayanzame 10:2

Corneille amaneegeda Nzambé. Angô na asi ebedi muetso amakea kuka yetso gô éwanyéô gôéneegeda Nzambé. Amawedéa ndéô yetso misuga miAjuif. Amavovo na Nzambé gédundé.

Mayanzame 10:31

Amavovo n’ami mbe: Corneille, Nzambé amookô disambôye yoo. Asabômu gawedéa éwe misuga.

Mayanzame 10:4

Amabono môsi g’ôba na ônzenze na amamôévôa mbe: ?Kumu Nzambé éébé nayee? Môsi g’ôba amamônigôa mbe: Nzambé amookô disambôye yoo. Ameena gawedéa éwe misuga. Na asabômu éwe.

Ephésiens 4:28

Te mbe ône amabaka muisui anzeegede éésua. Buedi mbe ayanzé na mogome medi amuene gôédiia mane manyôngéô angô géésué. Na eetsé dôta na misugamie gô mane mayanzangô.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Jacques 2:14

Ana aTéta, ôkô môma eenda mbe: Neetsi Nzambé môtémami wetso gémôtsumé paga. Na ésima éedi ésatubéda nane? ?tsoongone éedi géndé? ?Mavovia medi mangooboo angô‐a?

I Jean 3:17

Tôkanéga te gandé gékiti eena môkedi gô éne égômbéô angô na môtémedi ôseena angô ngeba. ?Gékitige géne nayee angeenda mbe môtémami ônyôngéô Nzambé?

I Jean 4:20

Okô môma avovo mbe: Me nanyôngéô Nzambé na angô adudu môkedi, angô te môpati. Bononi. ?Angô gényôngéô môkedi eena angô na miso, anganyôngéô Nzambé aseenanôni‐a?