LUC TSANGO EAMOSOBA EMATENDA 24:44 - New Testament in Mitsogo

⁴⁴ Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

LUC TSANGO EAMOSOBA EMATENDA 24:44 ပူးပေါင်းရင်းမြစ်များ

Matthieu 1:22

Mabégô mema te gamavovo môpandoédi amatasa maKumu Nzambé. Va mbeego amavovo mbe:

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 26:54

Okô neendi nane, tambô mane mabeenda Matendeo MaNzambé masangeenanô. Matendeo matônigôa mbe mabégôme mangabuéa te geenanye mangô mabuéa nani.

Matthieu 26:56

Mabégôme metso éma te mane mookanô gô Matendeo MaNzambé mbe éngaba te nane gamavovo apandôédi ambeego amatasa maNzambé. Aneengie muetso amabusuga amatsika Jésus amuene.

Marc 9:31

Gôébégô angô amabaka gôénigôa aneengie mbe: Me, Muana Amôma nangakabô na gô mogo moma angayôha me. Nangawa. Gô mbene apitsi dibaé, éne éamôtatô nangakunduga.

LUC TSANGO EAMOSOBA EMATENDA 21:22

Menyani mbe pitsiye dine te pitsi yagésisédéô dingeenanô éne émeevéda Matendeo MaNzambé.

LUC TSANGO EAMOSOBA EMATENDA 22:37

Me nanôbeenda mbe, na gô pie Matendeo mema mangeenanô gôndé me. Matendeome, te mbe: Amabaka g’ôtangôe agéômbé soma abévani. Jésus angô mbe: Ebégôe éne te éne éami éngeenanô n’atsatsee.

LUC TSANGO EAMOSOBA EMATENDA 24:46

Amanigôa ahngô mbe: Oôkôni éne ématenduni. Ematendu mbe: Christ, ône angasevou na Nzambé angeena maguga na angakunduga g’ôwa pitsine éamôtatô.

LUC TSANGO EAMOSOBA EMATENDA 9:22

Jésus amoomba mbe: Engaba mbe me, Muana Amôma nangeena maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

LUC TSANGO EAMOSOBA EMATENDA 9:44

Kuyani ébégô édué gô mitéma mianyô mbe nôngakôngédaka éangô. Me nanôbeenda mbe, me Muana Amôma nangakabô na gô mogo moma angayôha me.

Jean 3:14

Gamatômba Moïse gégoni sanyogo éakunga gô péndé gô tsenge émagasani, te ôtômu mbe me Muana Amôma nangatômbu te mônongovo.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 5:46

Okô mbe anye nômeetsa mitémamie na gô pie na gôndé Moïse, mbe nômamiétsa dôta na gôndé me, gôébégô Moïse te épo mbangi émanigôa mane mami.

Mayanzame 13:33

Nzambé amakundua Jésus g’ôwa gamatendu gô Embô éamôbaé mbe: Ewe te Muanami. Deo noo naka tétoo.

Mayanzame 13:40

Tambô wemani kabaga éne émeevéda apandôédi amatasa maNzambé ébuéa gôndé anye. Ameevéda mbe:

Mayanzame 2:27

Gôébégô éwe Nzambé, ôsangeeba gédidi sami gô tsenge éane amawani. Osangasinga mbe ôtôe amômane woo amatsimamani ôboo.

Mayanzame 3:18

Va mbeego Nzambé ameeveda wa n’anyô g’ôgi apandôédi muetso amatasa medi mbe Christ, ône amasevoangô, angeena maguga. Na amameena te gô éne émeendanye.

Mayanzame 7:37

Te amuene Moïse amavovo n’ana aIsraël mbe: Nzambé anganôkudégéa muene môpandôédi amatasa medi angaba gandé me, Moïse. Angaba éongo évo n’anyô.

Hébreux 10:1

Ndongi na mitôma na mige mimabaka n’Ajuif misaba gégoni sapie samane mandé na Nzambé. Mine miaô te ga gédinadina géenanô n’omanda géndé na bôbé na misatubéda na vede mane mavigani. Mitômamie na migemie mine misaba na ngudi gôétsimaméda môma anyôngéô éwesea na vandé Nzambé. ?Mingaba na ngudi nayee? Gô miangô môma amadeekeda digondoku môpuma na môpuma gédundé.

Hébreux 3:5

Moïse va yedi kuka amabaka na môvinéné gôéyanzéa eba aNzambé wetso. Ivô amabaka môyanzi môtévo, gôénigôa éne ématômuku angô na Nzambé.

Hébreux 7:1

Melchisédek te mômôgôô amabaka môtômi amôsenge ôéndô mbe Salem. Amabaka dôta môdeekedi adigondoku gôéyanzéa Nzambé, Kumu angudi yetso. Nyovo Abraham amaviga amamana égenya ébadie na atômie ayekani. Na te Abraham amadiia gô éangô. Na Melchisédek amakea gôéwanyéda angô, na ameetsa Abraham mate.

Hébreux 9:8

Vane Gédidi SaNzambé gétôtubéda mbe, vagébaka ebee ôvôni amapanga, gôsaba nzéa gôndé oma abobo gôéengéa na gô tsongo éadisambô édigaa Nzambé gô eba ava ngenge.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.