LUC TSANGO EAMOSOBA EMATENDA 22:43 - New Testament in Mitsogo

⁴³ Na vane môsi g’ôba amavigédu na Nzambé na vandé angô gôémôodeda.

LUC TSANGO EAMOSOBA EMATENDA 22:43 ပူးပေါင်းရင်းမြစ်များ

Matthieu 26:53

?Tambô ôsamenya mbe nandé na ngudi yeduka Téta gôésungéa me‐a? Okô naduki, tsina na tsina mbe angavigéda mitônisa na mitônisa miasi g’ôba na gôndé me.

Matthieu 4:11

Vane yabédé amanôtôga vandé Jésus. Asi g’ôba amavigédu na Nzambé na va kôbangô aJésus gôémôwedéa.

Matthieu 4:6

Amavovo n’edi mbe: Okô mbe éwe na gô pie Muana ANzambé, tséda na gô tsina. Matendeo MaNzambé matônigôa mbe: Nzambé angavigéda asi g’ôba, ayanzi edi gôékenea éwe. Dingagôtsua gô mogo maô. Kabaga makôdô moo mooka ébaku.

LUC TSANGO EAMOSOBA EMATENDA 22:32

Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 18:23

Amamana gône ôkana apitsi na amoomba ékea. Amaseta tsengeye yaGalatie na Phrygie. Amasikama gondé aneengie gôéoodeda ahngô gô mabégô MaNzambé mameetsahngô mitémamie.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 1:6

Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.