LUC TSANGO EAMOSOBA EMATENDA 22:32 - New Testament in Mitsogo

³² Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

LUC TSANGO EAMOSOBA EMATENDA 22:32 ပူးပေါင်းရင်းမြစ်များ

Matthieu 18:3

Jésus amatubéda mbe: Me nanôbeenda ébégô édué éapie. Okô anye nôsakoa mitéma mianyô gôéba mônongovo ga muanéngé, nôsangeengéa g’ôkumu aNzambé.

Matthieu 26:75

Na Pierre amakôngéda mane mamavovo Jésus n’edi mbe: Tsôsône n’egékôkaka ôngatôna me kuka ditatô mbe: Me tsamenya ône. Pierre amakusa adéa gégeto.

Marc 14:72

Tsina na tsina tsôsône émakôka kukane amôbaé. Na Pierre amakôngéda mane mamavovo Jésus n’edi mbe: Tsôsône n’egékôkaka mabaé ôngatôna me kuka ditatô mbe: Me tsamenya ône. Na vamabangôa angô nane, Pierre amadéa.

Marc 16:7

Kiakani. Beendani aneengi edi, ti gandé Pierre, mbe: Jésus oobégéyi na gô Galilée. Gône nôngamôena gamabeendangô anye.

LUC TSANGO EAMOSOBA EMATENDA 8:13

Mibiemie miagô mataé te gandé oma ookô meekédume na ahsinga mangô na gényônga. Na mabégô masasipa gô mitéma miaô. Ahkenea mabégôme te pesu andéô. Nyaa apanda ôkanégu angô ahtsika mangô na ahnika na gô ngima.

Jean 14:19

Eva na gô vipesu viandéô asi tsengene asangadôena me. Géé anye, nôngeena me. Gôndé me na monyo, tambô n’anye dôta nôngaba na monyo.

Mayanzame 3:19

Tambô koani mitéma mianyô gôéba wene mônongo oma. Géngôgani na gôndé Nzambé mbe anônôtôa ébévee éanyô.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

II Timothée 2:18

Anguene amadimbanéô nzéane éamabégô mapie, na aduta oma ayekani gôégéngôgéda mbe atsika mabégô mapie. Avovo n’ahngô mbe: Nyaa agékundugéô sowa ômamana éôta.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Hébreux 12:15

Wemani anyene n’anyene mbe gôsaba môma anika ngima gôénôtôga gô mate maNzambé. Wemani kabaga va gatse anyô gôba môma agono na mabunza mandôé makandani na mabévéda oma ayekani na môyobo. Pigaga gô môtéma amôma te môyobo.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

I Pierre 1:1

Oô te me Pierre. Namatômu na Jésus‐Christ. Nakudéga gésangô gegé na gôndé anye nômasevou na Nzambé na nômapanzangana na gô tsengeye yetso. Anye nôndé g’ôgenda gô Pont, avo gô Galatie, avo gô Cappadoce, avô dôta gô Asie na Bithynie.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

II Pierre 3:14

T’ebandô, anami amôtéma vavéngéa anye gényôgani gôédenganô na Jésus gébé n’etodi, gébé n’oési, gôédenganô n’edi n’evamba éagétabé.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.