LUC TSANGO EAMOSOBA EMATENDA 22:19 - New Testament in Mitsogo

¹⁹ Jésus amabongo môpemba. Amakuméda Nzambé gô angô. Amabukua angô na ameetsa aneengie. Amanigôa ahngô mbe: Odôô te ôtôe ami ôétsiô gôndé anye. Indakani nane gôébangôa me.

LUC TSANGO EAMOSOBA EMATENDA 22:19 ပူးပေါင်းရင်းမြစ်များ

Matthieu 14:19

Vane amatôma géômbége setso gôédigaa v’esingaa. Na amabongo mipembamie mitayi mine na tônyama tôbaé tagô mbéyi na amabôkaméa miso medi na g’ôba na amaduka Nzambé mate medi. Amabukua mipemba na ameetsa aneengie. Ahngô amamikabanéa n’oma muetso.

Matthieu 15:36

Amabongo mipemba tsambué na tônyamate. Amakuméda Nzambé gô éangô. Amabukua éangô. Ameetsa aneengie. Aneengie dôta amakabanéa éangô na géômbége.

LUC TSANGO EAMOSOBA EMATENDA 22:17

Jésus amabongo gébunguge na amakuméda Nzambé gô sangô. N’angô mbe: Bongokoni gébungu gegé, anye nyuakani sangô.

LUC TSANGO EAMOSOBA EMATENDA 22:20

Amoomba ébongo gébungu vamamanahngô éaa na ameetsa aneengie sangô. Angô mbe: Gébungu gegé te gémbégéa gétubéda évamba éamanza éawene mônongo. Nôévambédu te gô nzina yami diaagi gôndé anye.

LUC TSANGO EAMOSOBA EMATENDA 24:30

Vamadigaahngô va tabudé, Jésus amabongo môpemba na amakuméda Nzambé gô angô. Amabukua angô, na ameetsa akedi.

Jean 6:23

Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé.

Jean 6:51

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

I Corinthiens 10:16

Tasani gô gébunguge gématôétsô na Nzambé na tôduka mate medi gô sangô. Vatônyua gébunguge ége? ?gésatôvambéda évambevo na nzina yaJésus‐Christ‐a? Tasani dôta môpemba ôtôbukuani. ?Vatôaa angô ôsatôvambéda évambevo na ôtô aJésus‐Christ‐a?

I Corinthiens 10:4

Na ahmanyuaka muetso meba mavo mameetsô ahngô na Gédidi SaNzambé. Vamanyua ahngô meba mamakusa g’ôbobo, menyani mbe amadôngédu na ôboboe ômeetsa Nzambé gô nzéane émakeahngô. Oboboe ône te amuene Jésus‐Christ.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Galatie 4:25

Agar te gandé môkôdi aSinaï gô tsenge éArabie. Agar te gandé môsenge aJérusalem pitsi yedi ôndé g’ôvéga n’omedi muetso.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

1 Thessaloniciens 5:18

Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.