LUC TSANGO EAMOSOBA EMATENDA 21:36 - New Testament in Mitsogo

³⁶ Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

LUC TSANGO EAMOSOBA EMATENDA 21:36 ပူးပေါင်းရင်းမြစ်များ

Matthieu 24:42

Imbakani géembemba gôébégô nôsamenya nyee ôngaviga Kumu anyô.

Matthieu 24:43

Vôtanganôni édué. Kumu eba mbe amenya pitsine éviga muisui, angô mbe angeemba géembemba mbe asangasinga ebedi ôpadô.

Matthieu 24:44

T’ebandô anye dôta bakani nômakoamani kuanakue gôévéngéa me, gôébégô me Muana Amôma nangaviga gô ndéône ésangatasanye.

Matthieu 25:13

Jésus angô mbe: Bakani misiki. Anye nôsamenya pitsi. Nôsamenya ndéô.

Matthieu 26:41

Bakani misiki géebogé. Vovoni na Nzambé anye muetso kabaga nôkuba vakanégu anye gô mabégô mabévani. Gédidi samôma gényôngéô éénda mane manyôngéô Nzambé ivô ôtôe ôdeeda.

Matthieu 8:20

Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda.

Marc 13:33

Nôwema. Bakani géembemba géebogé. Nôsamenya nyee ôngabuéa mabégô mema.

Marc 13:37

Ene évovo me n’anye navovo te n’oma muetso mbe: Bakani n’ebagé géebaé.

LUC TSANGO EAMOSOBA EMATENDA 1:19

Vane môsi g’ôba amamôaabéa mbe: Me te Gabriel. Me te môyanzine aNzambé. Amatôma me mbe naviga gôébeenda éwe tsangône édué éamôsôba.

LUC TSANGO EAMOSOBA EMATENDA 18:1

Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe:

LUC TSANGO EAMOSOBA EMATENDA 20:35

Ivô amôgôôe n’agetoe, ane andé kuanakue gôékunduga g’ôwa na gôédigaa gô tsenge évigani asangabaana.

LUC TSANGO EAMOSOBA EMATENDA 21:35

Nyoo ône ôvôni ôngaba ga pagô évétsani gôékubéda omee muetso ava tsina.

Mayanzame 10:2

Corneille amaneegeda Nzambé. Angô na asi ebedi muetso amakea kuka yetso gô éwanyéô gôéneegeda Nzambé. Amawedéa ndéô yetso misuga miAjuif. Amavovo na Nzambé gédundé.

I Corinthiens 16:13

Bakani misiki. Sipani gôndé Nzambé, ône ameetsanye mitémamie gémôtsumé paga. Bakani na bôkédé. Oodoni gô mabégô manzéa éaNzambé.

II Corinthiens 4:14

Tôsabômu mbe Nzambé te ône amakundua Kumu Jésus g’ôwa na te angô angatôkunduani dôta g’ôwa na Jésus. Angatôtsigéda n’anye muetso géômbé gévo va mbene edi.

Colosses 4:2

Vovoni na Nzambé na môvinéné. Bakani misiké gôéena éne énganôaabéa angô. Kumédani angô gô mane meenanye.

1 Thessaloniciens 5:17

Vovoni na Nzambé gédundé.

II Timothée 4:5

Ivô éwe, Timothée, sipaka. Ombiasinga mbe matasa moo mayungédu n’omee ane. Bibéda gô maguga. Yanza mayanza moo mamôékédi aTsangô Eamôsôba. Kôdéda gésaô soo ngu na v’ekôdédô.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

I Jean 2:28

Te nane anami. Bakani na vitoo na Christ gômbe tôsangakotomo na tsoyi va mbene edi nyoo ôngavigangô mbe tôngaba tômayôa na gényônga.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 11:4

Mbangiye dibaé te éétété ébaé ééndô mbe, olivier. Na yangô te dambi dibaé dindé va mbene one atetu mbe, Nzambé Kumu atsinane nyetso.

Gétsutsuéô 6:17

Nyee opisa ôbuéyi. ?One angookékôani indaa?

Gétsutsuéô 7:9

Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga.

Gétsutsuéô 8:2

Na vane, nameena asi g’ôba tsambué te ayanzie aNzambé andé mitie va mbene edi. Ameetsô émbômba tsambué.