LUC TSANGO EAMOSOBA EMATENDA 2:10 - New Testament in Mitsogo

¹⁰ Môsi g’ôba amabeenda ahngô mbe: Nômbiena gomo ta na pesu. Oôkôni me. Nanôtsuéa tsangô éamôsôba. Endé ti ébégô éagényônga gévôni éngatsôkéa oma muetso.

LUC TSANGO EAMOSOBA EMATENDA 2:10 ပူးပေါင်းရင်းမြစ်များ

Matthieu 14:27

Vane Jésus amavovo n’ahngô mbe: Sumédani mitémamie. Oô te me Jésus. Nôneena gomo.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Matthieu 28:5

Môsi g’ôba amabandôa évovo n’agetoe mbe: Gôndé anye navovo mbe nôneena gomo. Anye nôbuta Jésus, ône akomediôkô va gésuma sowa.

Marc 1:15

Amavovo mbe: Ndéône ébuéyi. Okumu aNzambé ôka gôpégôpé gôénôoboo. Koani mitéma mianyô gôéba wene mônongo oma. Itsani mitéma mianyô gô Tsangône Eamôsôba édué.

Marc 16:15

Jésus amatôma aneengie mbe: Kiakani na gô tsengeye yetso. Ikédakani Tsangô Eami Eamôsôba gô mongome metso.

LUC TSANGO EAMOSOBA EMATENDA 1:13

Môsi g’ôba amavovo mbe: Ewe Zacharie, ômbieena gomo. Nzambé amookô môdukée woo. Môgayoo Elisabeth angagôbôtéa muanamômôgôô. Omôôga te mbe Jean.

LUC TSANGO EAMOSOBA EMATENDA 1:19

Vane môsi g’ôba amamôaabéa mbe: Me te Gabriel. Me te môyanzine aNzambé. Amatôma me mbe naviga gôébeenda éwe tsangône édué éamôsôba.

LUC TSANGO EAMOSOBA EMATENDA 1:30

Môsi g’ôba amamônigôa mbe: Marie, ômbiatatéa ta na pedu. Mate maNzambé mandé gôndé éwe.

LUC TSANGO EAMOSOBA EMATENDA 2:11

Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

LUC TSANGO EAMOSOBA EMATENDA 8:1

Jésus amakea gô misenge na gô mbôkaye gôéékéda Tsangô Eamôsôba éokumu aNzambé. Aneengi edi nzima n’abaé amakea n’edi.

Mayanzame 13:32

Na wéene tônôtsuéa tsangô nene éamôsôba éne émameméô peeye yasô n’anyô na Nzambé.

Romains 10:15

?Tsangône énganigôganéô nayee? môékédi gékudégu na wangô. Te ganigôa Matendeo MaNzambé mbe: Matambé mayeta ône atsua Tsangô Eamôsôba éaGétabé saNzambé, manyepa.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.