26 Môtômine amanigôa mbe: Endé te nane. Gôndé ône andéké na sôma te ône angoomba ékôndéguni. Ivô gôndé ône asaba na sôma abeyee na vipesu, vingasuméa te watôgô.
Menyani mbe ône andé na sôma angoomba ékôndégu, na asangabutadô sôma. Géé ône asaba na sôma angawatô buéyé na vipesuvie vindéké n’edi.
Jésus amoomba évovo mbe: Nanôpandôéda mbe t’ebandô ôkumu aNzambé ôngawatô gôndé anye na ôngeetsô avo oma andé ga géétété gébôta miônda miamisôba minyôngéô kumu éagéétété, te ane angeenda éne ényôngéô môtômine okumue aNzambé. [
One andé na sôma te ône angoomba ékôndéguni na asangadôgômbéô sôma. Ivô ône asaba na sôma, abéyee na vipesu vingasuméa te watôgô.
Môsômbédine amatanganéda gô môtémedi mbe: Mavooe kooko ami anganôtôa me gô éyanzee. ?Nangeenda nayee? Otôe wami ôsaba na ngudi mbe nangayanza gô pindi. Dôta nabaké gétseke gôéduka omee éne éngookô me tsôvé, te tsoyi.
Avo amatsapéô mbe: Bonokoyee, ôdôô andéké na nzima ayabi. ?Omba te ékôndégu n’ovo-a?
Wemani keneani mane mookiô anye mane. Gôébégô ône andé na sôma te ône angoomba éétsôni. Ivô ône asabani, abéyee na vipesu, vingasuméa te watôgô.
Oôkôni éne ématendu gô miganda miaMimbô mbe: Engaba mbe ebedi ôngatôtu Gôsangadôdigaa môma. Na ématendu dôta mbe: Gôngaba muene angaviagana g’ôtômue wedi gôéyanza.
Tambô wemani gôndé anyene kabaga nôdimbanéda éne ékusa gô mayanza manyô. Buedi mbe nôdiia misenda mianyô mietso.
Anye nôndé n’obibô gôéenea mane mangavigani. Gô mabégô mami nômeena maguga na nômasipa.
Me tsangaamba éviga. Simbédakani vipesuvie viangudi vindé n’anyô, kabaga nôwatô n’oma môsendee wanyô ôngadiianye gô ébadie égenyuni.