LUC TSANGO EAMOSOBA EMATENDA 19:13 - New Testament in Mitsogo

¹³ N’egékiaka amabambéa ayanzi edi nzima. Amakabanéa n’ahngô abi ôvo ôvo adode. Amatôma ahngô mbe: Yanzani ôyôkô na dodeye dine ngu na vangaviga me.

LUC TSANGO EAMOSOBA EMATENDA 19:13 ပူးပေါင်းရင်းမြစ်များ

Matthieu 25:16

Môyanzine ameetsô yabi ditayi amakea na yangô gôéyanza ôyôkô. Dodeye dine dimoomba ékuséda yene yabi ditayi yadode.

Matthieu 25:20

Môyanzine amapanga, ône ameetsô yabi ditayi amamôtubéda yene ditayi na amamônigôa mbe: Kumu ami, éwe ômeetsaka me dodeye yami yabi ditayi vamakewe. Oeni yene ditayi dikusi gôyanzi me na dine yoo.

Matthieu 25:22

Môyanzine ameetsô yabi dibaé amaditubéda môtômine. Na amamônigôa mbe: Kumu ami, éwe ômeetsaka me yabi dibaé vamakewe. Oeni, yene dibaé dikusi gôyanzi me na dine yoo.

Matthieu 25:24

Môyusumédue te môyanzine ameetsô dode yedi yaabi ôvo. Amaningôa môtômine mbe: Kumu ami, me tsibômuku mbe môtômine wami te môma môdagani. Aa môyakô angô gépangé égaaba. Akuéga migônô angô gépangé émikandéda.

LUC TSANGO EAMOSOBA EMATENDA 19:12

Jésus amavovo mbe: Gômabaka môma môvo, môsi gô mbumu éokumaka. Amakea na gô tsenge étongoni gôéétsô gône ényanga éetôma. Ameenda mbe: Nangoomba énika.

LUC TSANGO EAMOSOBA EMATENDA 19:14

Tambô asi tsenge éedi asimônyôngéô. Amakudéga ôgie na gô tsenge émakeangô mbe: We tôsanyôngéô mômôgôô nône anika n’egô gôétôma we.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Galatie 1:10

?Vavovo me nane nômenya mbe me nabuta ékumédu n’oma‐a? Aé. Navovo nane te mbe nangakumédu na Nzambé. ?Nômenya mbe nabuta ényônganéô n’ôma‐a? Aé. Okô nabuti ényônganéô n’oma tambô tsaba môyanzi aChrist.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.