LUC TSANGO EAMOSOBA EMATENDA 18:7 - New Testament in Mitsogo

⁷ ?Na Nzambé kumu étsimama asangookô ane aamugana na gôndé angô na pitsi n’omanda-a? Na Nzambé asangadingéda ékônzea omee wedi amasevôangô mabégôme.

LUC TSANGO EAMOSOBA EMATENDA 18:7 ပူးပေါင်းရင်းမြစ်များ

Matthieu 24:22

Mbéka mbe Kumu amatasa mbe: Nasusué pitsiye, mbe gôsangasanéa môma adôngani. Ivô Kumu angasusua pitsiye te gôndé omedi amasevôa angô.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 7:11

Buéyé anye oma abévani, nômenya éétsa ananyô yôma éamisôba ?tambô na Tétanyô ône andé g’ôba, asangootéa éétsa anye yôma éamisôba gôndé anye nômôdukani‐a?

LUC TSANGO EAMOSOBA EMATENDA 11:13

Buéyé gandé anye abévie, nôsabômu eetsa anee wanyô éômee éamisôba. ?Tambô na tétanyô, ône andé g’ôba asanganôétsa Gédidi sedi-a? Angeetsa sangô te gôndé ane amôdukani.

LUC TSANGO EAMOSOBA EMATENDA 2:37

Anne amadigaa môkué gébaaô ngu na vamadômbéa angô aka nzima génana na mipuma minayi. Asinôtôgé gô eba aNzambé. Amayanzéa Nzambé na pitsi n’omanda. Amakina môyakô gôévovo na Nzambé.

LUC TSANGO EAMOSOBA EMATENDA 21:28

Vangabandôa étsiga mabégô mema, vétsani na bôgôani édimôe éanyô gôébégô génôtôgéô sanyô sava tsina géka gôpégôpé.

Romains 8:33

?One angasunda ane amasevou na Nzambé indaa? Kaka Nzambé. Gôébégô te Nzambé eetsa ahngô mitayi.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

1 Thessaloniciens 3:10

Tôndé gôéduka Nzambé na môvinéné, na pitsi n’omanda mbe asingéa me noomba ébuéa na gôndé anye. Nanyôngéô étsimaméda mavo mabégô magétsapéôkô anye gô mane maJésus mameetsanye mitéma gématsumé paga.

II Thessaloniciens 1:6

Endé te nane. Nzambé ayanza gépenganédé ta n’ebégô. Anganikéa événda gékuanô gôndéké ane anôtubéda gékuanô.

I Timothée 5:5

One andé na gô pie môkué te ône asaba na kinde andé tsani. Na angô aténdéda mbe tsoongone yedi te gôndé Nzambé. Asadunda na pitsi n’omanda gôévovo n’edi gôémôduka mbe amôwedéa.

II Timothée 1:3

Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

I Pierre 1:1

Oô te me Pierre. Namatômu na Jésus‐Christ. Nakudéga gésangô gegé na gôndé anye nômasevou na Nzambé na nômapanzangana na gô tsengeye yetso. Anye nôndé g’ôgenda gô Pont, avo gô Galatie, avo gô Cappadoce, avô dôta gô Asie na Bithynie.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.

Gétsutsuéô 18:20

Ewe ôba, tsôkéaka gôbungani môsengee ône. Anye asi mbumu éaNzambé, n’anye nômatômuku na Christ, n’anye apandôédi amatasa maNzambé, tsôkéakani. Gôébégô Nzambé ameeséda môsengee ône gô gékuanô na panda dimatubédangô anye.

Gétsutsuéô 6:10

Ahmaamugana mbe: ?Kumu eetsimama, na éwe Kumu apie, ôngeenea pitsi diké gôétsundéda asi tsengene, ayôhyie wasô¿ Ongeetsa ahngô tsôgôô nyaa ndé?

Gétsutsuéô 7:15

T’ebandô tôena ahngô va mbene agédigaa saNzambé sokumaka. Na pitsi n’omanda ahndé gôéyanzéa Nzambé gô ebedi, vandé amuene gô gédigaa sedi sokumaka eebakanéda ahngô.