LUC TSANGO EAMOSOBA EMATENDA 18:16 - New Testament in Mitsogo

¹⁶ Ivô Jésus amavigéda anee na gôndé amuene na amavovo mbe: Tsikani anee anéngé avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké ga anéngé adua.

LUC TSANGO EAMOSOBA EMATENDA 18:16 ပူးပေါင်းရင်းမြစ်များ

Matthieu 19:14

Jésus amavovo mbe: Tsiikani anee avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké g’anéngé adua.

LUC TSANGO EAMOSOBA EMATENDA 18:15

Oma amakea n’anaô, buéyé n’ana agô mabene, na gôndé Jésus mbe akeabanda. N’aneengie ahmadékéda ahngô mbe: Nônakea na gôndé Jésus n’anee.

LUC TSANGO EAMOSOBA EMATENDA 18:17

Nanôbeenda mbe, na gô pie ône asasinga éengéa na g’ôkumu aNzambé na môtémedi wetso geengéa anéngé, asangeengéa wangô.

Mayanzame 2:39

Menyani mbe vamavanga Nzambé gôétôétsa Gédidi sedi amavanga gôndé wa n’anyô na gôndé ana asô n’anyô, na gôndé muetso adigaa gô tsenge ditongoni. Endé gôndé muetso angabambéôni na Kumu éasô n’anyô Nzambé.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

I Corinthiens 7:14

Ekegea te nane. Mômôgôône asivambé na Jésus awesedu na gôndé Nzambé gôétsimamédu n’edi gô vitoone éndé angô na môgayedi, môma aChrist. Na môgetone asivambé na Nzambé awesedu na gôndé Nzambé gôétsimamédu n’edi te gô vitoone éndé angô na mômiedi, môma aChrist. Mbeka mbe nane anaô mbe andé gôdagôda na Nzambé, tambô na anaô andé atsimamédu na Nzambé.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.