LUC TSANGO EAMOSOBA EMATENDA 17:30 - New Testament in Mitsogo

³⁰ Engaba te mônongovo nyaa ôngaviga me Muana Amôma.

LUC TSANGO EAMOSOBA EMATENDA 17:30 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 24:3

Jésus amadigaa va ngongo amôkôdi ôtetu mbe Olivier. Aneengi edi amaviga gôémôévôa mbe: Beenda we ndéône éngabuéa mabégôme mane. Nigôa we gémbégéage gengatubéda mbe Jésus asangaamba éviga, na tsinane éngabunganédu.

Matthieu 24:37

Mane mameenanô gô ndéô émabaka Noé, te mangô mangeenanô va génikéô same, Muana Amôma.

Matthieu 24:39

Ahsibaké na môkeda ngu na vamabuéa géningôge gôégudéda ahngô muetso. Engaba te mônongovo gô gévigéô same, Muana Amôma.

Matthieu 26:64

Jésus amamôaabéa mbe: Te gavovi éwe. Na me nanôpandôéda mbe bandôa deo noo, nôngeena Muana Amôma digaa gô géeyo gémôgôô saNzambé Kumu angudi yetso. Nôngeena dôta Muana Amôma aviga va gatse adibôngé yag’ôba.

Marc 13:26

Vane nôngeena me, Muana Amôma natsutsuga va gatse adibôngé yag’ôba. Nangaviga na ngudi dipôni n’obébayi ondômbami.

LUC TSANGO EAMOSOBA EMATENDA 17:24

Mônongovo gakadima môkadikadi ôenanô ôkitsangana ôbee, te mônongovo gangeenanô me Muana Amôma gô nyee ôngaviga me.

LUC TSANGO EAMOSOBA EMATENDA 17:29

Ivô nyaa ômanôtôga Lot gô môsenge aSodome, soto sambônga édagani éangôté gémaaga g’ôba ga nyogo mbuua. Muetso amaguda.

LUC TSANGO EAMOSOBA EMATENDA 21:22

Menyani mbe pitsiye dine te pitsi yagésisédéô dingeenanô éne émeevéda Matendeo MaNzambé.

LUC TSANGO EAMOSOBA EMATENDA 21:27

Vane nôngeena me Muana Amôma natsutsuga va gatse adibôngé yag’ôba. Nangaviga na ngudi yetso n’obébayi ôtubédu ôndômbee okumakee wami.

I Corinthiens 1:7

Nôsivee ta na môgôô ôvo aNzambé. Tambô anye véngéani na ngudi yetso génikéô saKumu asô n’anyô Jésus‐Christ na gô tsina.

I Corinthiens 1:8

Te amuene anôsipéda gébé n’oési ngu na v’ekôdéô. Kabaga môma anôtsundéda nyee ôngaviga Kumu Jésus‐Christ mbe: Nôsindé kuanakue.

Colosses 3:4

Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.

II Thessaloniciens 1:7

Na angeetsa gévôgiméô gôndé anye nôndé gô maguga. Na gôndé we te mônongovo. Tôngaba na gévôgiméô te vangaviga Kumu Jésus g’ôba na ngudi yetso, angô n’asi g’ôba ane avigédu na Nzambé.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 1:7

Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

I Jean 2:28

Te nane anami. Bakani na vitoo na Christ gômbe tôsangakotomo na tsoyi va mbene edi nyoo ôngavigangô mbe tôngaba tômayôa na gényônga.

I Jean 3:2

Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.

Gétsutsuéô 1:7

Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.