LUC TSANGO EAMOSOBA EMATENDA 16:9 - New Testament in Mitsogo

⁹ Jésus amanigôa ahngô mbe: Me nanôongo ndongi mbe ôkitie ôndé ébégô édagani, ivô ôkô nôndé n’angô yanzani n’angô gôévamba n’oma. Nyee ôngagôga angô nôngeengédu na g’ôba gô tsenge éamôbô na môbô.

LUC TSANGO EAMOSOBA EMATENDA 16:9 ပူးပေါင်းရင်းမြစ်များ

Matthieu 19:21

Jésus amavovo n’edi mbe: Okô ônyôngéyiô éba gébé n’oési, kiaka ôkesômbéda éetso éndé n’ewe. Obongo dodeye ôkekabanéa na misuga. N’ewe ôngaba n’okiti g’ôba. Na vane ôviga gôékea nzéepo n’ami.

Matthieu 6:19

Nômbiavaga ôkitie wanyô éva gô tsengene. Gô tsengene mangbangba na nyanga ébunza éôma. Eésui apada yeba gôébongo éôma.

Matthieu 6:24

Môma asoongôa éyanzéa kumu diabaé kuképo. Angadudu épo na anganyôngéô épo. Angagobeda épo na angeenza épo. Okiti ôndéké ga kumu gôétôma môtéma amôma. Anye nôsoongôa égobeda aangô na Nzambé kuképo.

LUC TSANGO EAMOSOBA EMATENDA 11:41

Ene ésuéga anye gô ébungue éanyô na gô épedee éanyô, kabakani éangô na misuga, na vane éetso éngaba te émagôgéani gôndé anye.

LUC TSANGO EAMOSOBA EMATENDA 12:33

Sômbédani ôkitie wanyô. Itsani misuga dodeye dingadiianye. Gényôgani gôédiia gékeneoge sadode gésatubégani. Vagani ôkitie wanyô gô tsenge ag’ôba. Gône ôsangadimbana. Eesuie asangaôdenga. Mangbangba masangaôbunza.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

LUC TSANGO EAMOSOBA EMATENDA 16:11

T’ebandô ône asayanza n’okitie atsengene na mavôma ?ôkiti apie aNzambé angeetsô na ndaa?

LUC TSANGO EAMOSOBA EMATENDA 16:13

Gôsaba môma angoongôa éyanzéa kumu dibaé kukepo. Angadudu épo na anganyôngéô épo. Angagobeda épo na angeenza épo. Okiti ôndé ga kumu gôétôma môtéma amôma. Nôsoongôa éneegeda kukepo ôkiti na Nzambé.

LUC TSANGO EAMOSOBA EMATENDA 16:4

Eh, tsabômu éne éngeenda me. Na vane vanganôtôu me gô éyanzee, akasô muetso angasinga me nadigaa n’ahngô.

Mayanzame 10:31

Amavovo n’ami mbe: Corneille, Nzambé amookô disambôye yoo. Asabômu gawedéa éwe misuga.

Mayanzame 10:4

Amabono môsi g’ôba na ônzenze na amamôévôa mbe: ?Kumu Nzambé éébé nayee? Môsi g’ôba amamônigôa mbe: Nzambé amookô disambôye yoo. Ameena gawedéa éwe misuga. Na asabômu éwe.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

Jude 1:21

Nômbiaagana n’etondo éaNzambé. Sipani gô éangô, nôndé gôéenea monyo ôsakôdéakani, ône ôngeetsô wa n’anyô na Kumu asô n’anyô Jésus‐Christ gô ngeba yedi.