LUC TSANGO EAMOSOBA EMATENDA 16:25 - New Testament in Mitsogo

²⁵ Abraham amasiia mbe: Muanami ônabômu mbe ômadiiaka mamisôba vamaba éwe gô monyoe woo va tsina. Géé Lazare ôdôô, ameenaka maguga gô ône wedi monyo. Egôdô Lazare eena mamisôba n’ewe ôndé gô maguga.

LUC TSANGO EAMOSOBA EMATENDA 16:25 ပူးပေါင်းရင်းမြစ်များ

Matthieu 27:63

Ahngô mbe: Môtômi asô, we tôbangôa gamavovo môpatine ôdôô vamabakangô agédôngaka. Amavovo mbe: Vangoota pitsi ditaô me nangakunduga.

Marc 9:45

Okô ôkôdôe ôndé ga pagô gôégôkubéda gô mabégô mabévani, kitsa angô. Okô ôndé n’okôdô ôvo na monyo apie gô môtémoo, ésadaga gôndé éwe. Okô ôndé na makôdô moo mabaé na ôkea na gô mungu asoto te éne éôtéa édagani. [

LUC TSANGO EAMOSOBA EMATENDA 16:20

Môsuga inedi Lazare, amabaka yamaa v’ombaa agékiti. Amabaka na miitsô, ôtôe wetso.

LUC TSANGO EAMOSOBA EMATENDA 16:23

Gô tungu oma amawani, gékitige amookô pievia épôni. Amabôkaméa misome na ameena Lazare andé va mbôma aAbraham. Andé gôdagôda.

LUC TSANGO EAMOSOBA EMATENDA 16:26

Eébéyée mbe nane, bonokoye. Va gatse asô n’anyô mbenge épôni gômbe ane anyôngéô énôtôga égô gôéôta na gôndé anye, asoongôa. Kôndi nane, ane anyôngéô énôtôga gône gôéviga n’egô asoongôa éviga.

LUC TSANGO EAMOSOBA EMATENDA 6:24

Ti gô maguga mandé n’anye nôdônga g’ôkitie wanyô. Gényôngage sanyô, nômani égéena.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Romains 8:7

Ane eetsa matasa metso gô mane manyôngéô yôtô yaô, ahndé adudeo aNzambé. Ahsasinga égobeda mige miaNzambé. Akanégéyee, asangoongôa émigobeda.

Philippiens 3:19

Ekôdéô éaô te gébunganéô. Saô gémba te aakagane. Anyemôga gôékuméda mabégô mayanzangô matsoyi. Matasa maô metso te gô mane matsengene.

1 Thessaloniciens 3:3

Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô.

Hébreux 11:25

Moïse amasevoa nzéane éagékuanô émakea asi mbumu éaNzambé. Amakina nzéa éamabégô mabévani matsengene na gényônga sedi sagébéndéké.

I Jean 2:15

Nômbianyôngéô mane matsengene na éne éndé wangô. One anyôngéô mane matsengene asanyôngéô Téta Nzambé.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.